PSALM 54 - BIBLU WIWE LỌ 1923

Psalm Davidi tọn de, whenuena Zifinu wá bo dọ na Saulu, dọ, Bé Davidi ma sọ ede whlá to mí de?

¹ WHLẸN mi, Jiwheyẹwhe gbọn oyín towe dali; Bo sọ dawhẹ́ ṣie gbọn huhlọn towe dali,

² Sè odẹ̀ ṣie, Jiwheyẹwhe È; Dotó ohó onù ṣie mẹ tọn go,

³ Na ojonọ lẹ fọ́n do oji e, Budonamẹtọ lẹ sọ to ayiha ṣie din: Yé ma yi Jiwheyẹwhe do nukọn yetọn gba.

⁴ Dayi e go, Jiwheyẹwhe wẹ alọgọnamẹtọ ṣie; OKLUNỌ tin to yé he to ayiha ṣie hẹndote lẹ mẹ.

⁵ Oylan lọ na sọ lẹ́gó do yé he mlọnai owu mẹ na mi lẹ de: Và yé to nugbo towe mẹ.

⁶ Yẹn na sánvọ́ ojlẹmẹ tọn hlan we; Yẹn na pa oyín towe, OKLUNỌ È, na dagbe wẹ é yín.

⁷ Na é ko tutlu mi jẹgbonu sọn tukla lẹpo mẹ; Nukun ṣie sọ mọ ojlo ṣie to kẹ̀ntọ ṣie lẹ ji.