PSALM 53 - BIBLU WIWE LỌ 1923

¹ OKLENỌ dọ to ayiha etọn mẹ, dọ, Jiwheyẹwhe de ma tin. Yé gble, yé sọ to azọ́n mawàdódó tọn wà: Yé he to dagbewà de ma tin.

² Jiwheyẹwhe pọ́n odò sọn olọn dooví gbẹtọ tọn lẹ tamẹ, Nado mọ eyín mẹde tin bọ nuyọnẹn pé. Bọ é to Jiwheyẹwhe din.

³ Yé omẹ pó we gọ̀yì godo: omẹ pó wẹ nọpọ lẹzun dihonọ patapata; Mẹhe to dagbewà de ma tin.

⁴ Ylanzọ́nwàtọ lẹ ma yọnnuin? Yé he to gbẹtọ ṣie lẹ dù di mẹhe to núdù: Yé ma sọ dawhá ylọ Jiwheyẹwhe.

⁵ Finẹ wẹ yé tin te to obu daho mẹ, to fie obu ma te: Na Jiwheyẹwhe ko gbà ohú yé he hùnhá we lẹ tọn kija; Hiẹ ko dowinyan yé, na Jiwheyẹwhe ko gbẹ́ yé dai wutu.

⁶ Ṣó, whlẹngan Islaeli tọn do tón sọn Ziọni mẹ wá! Whenuena Jiwheyẹwhe hẹn mẹglọnọ gbẹtọ etọn lẹ tọn gọ̀wá, Jakobu na jaya, homẹ Islaeli tọn nasọ hùn.