PSALM 5 - BIBLU WIWE LỌ 1923

¹ DOTÓ ohó ṣie go, OKLUNỌ È, Bo sọ lẹn ayihamẹlẹnpón ṣie.

² Dotóai hlan ogbẹ̀ avi ṣie tọn, Ahọlu ṣie, Jiwheyẹwhe ṣie, Na de we wẹ yẹn nọ hodẹ̀ hlan.

³ Ogbè ṣie wẹ hiẹ na sè to afọnnufu, OKLUNỌ È, To afọnnufu yẹn na hodẹ́ ṣie hlan we, bo nasọ to alihó,

⁴ Nà hiẹ ma yín Jiwheyẹwhe he do homẹhùnhùn do oylanwiwà go; Oylan ma sọ sọgan wáwáṣi to de we.

⁵ Awagundotọ lẹ ma sọgan nọte to nukọn towe; Hiẹ gbẹwanna ylanzónwàtọ lẹpo.

⁶ Hiẹ na hù yé he to yẹwà lẹpo súdo: OKLUNỌ gbẹwanna mẹhùnnutọ po mẹklọtọ lẹ po.

⁷ Ṣigba eyín yẹn tọn wẹ, yẹn na wá ohò towe mẹ to dagbewanyi towe susu mẹ; To osi towe mẹ wẹ yẹn na pànnukọn tẹmpli wiwe towẹ do litai.

⁸ Hiali mi, OKLUNỌ E, to dódó towe mẹ na yé he nọ tọwù dai na mi lẹ wutu; Hẹn alì towe jlọ to nukọn ṣie.

⁹ Na tẹninọ de ma tin to onù yetọn mẹ; Yé homẹ dọ̃n yín gbigble: Oyòwhé he hùn dai wẹ ovẹgo yetọn; Yé nọ yí odẹ́ yetọn do ké omẹ.

¹⁰ Gblewhẹdo yé, Jiwheyẹwhe È, Na ye ni gbọn dali linlẹn yetọn mẹ jai; Yàn yé sẹ̀ to tasinẹn susu yetọn mẹ; Na yé ko to atẹsi hẹ we.

¹¹ Ṣigba gbọ yé he din fibẹ̀tado to hiẹ mẹ lẹpo ni jaya: Tẹgbẹ̃ wẹ yé ni nọ yí ayajijẹ do jihàn, na hiẹ to alọ ṣinyọn yé ji wutu: Gbọ yé he yiwanna oyín towe lẹ ni awagundo to hiẹ mẹ.

¹² Na hiẹ, OKLUNỌ E, na dona dódónọ, Nukundagbe wẹ hiẹ na yí lẹ́do e pé di awọ̀yínu.