PSALM 48 - BIBLU WIWE LỌ 1923

¹ KIKLO wẹ OKLUNỌ, he yè na pa susu, To otòdaho Jiwheyẹwhe mítọn tọn me, to osé wiwe etọn ji:

² Whanpe to jiyìyì mẹ, ayajijẹ aihọn lẹpo tọn, We osé Ziọni tọn to agépawhe, Otodaho Ahọlu daho ton

³ Jiwheyẹwhe hẹn ede zùn yinyọnẹn to awá etọn mẹna atọ̀họ he yìaga

⁴ Sà pọ́n, ahọlu lẹ plidopọ, yé zọnpọ juwayì.

⁵ Yé mọ en, mọ awuji yé; Obu sọ di yé, yé yawu juwayì.

⁶ Sisọsjsọ jẹ yé ji to fine, Po awufiẹsa po di yọnnu he to ajipanu tọn.

⁷ Hiẹ yí jẹhọn whèzeten Tọn do gbà ohún Tasisi tọn

⁸ Le míwlẹ sè do mọ mìwlẹ sọ mọ do To otòdaho OKLUNỌ awhànpa lẹ tọn me, to otodaho Jiwheyẹwhe mítọn tọn mẹ: Jiwheyẹwhe na hẹn ẹn lódo kakadoi. Selah.

⁹ Míwlẹ ko to dagbewanyi towe lẹnpọ́n, Jiwheyẹwhe È, To tẹmpli towe ṣẹnsẹn;

¹⁰ Jiwheyẹwhe E, kẹdẹdi oyín towe, Mọwẹ pipa towe jẹ podo aigba tọn: Adusilọ towe gó na dódò.

¹¹ Na osé Ziọni tọn ni jaya, Homẹ viyọnnu Juda tọn lẹ ni hùn, Na whẹ̀dida towe lẹ wutu.

¹² Zinzọnlin gbọn awlò Ziọni tọn mẹ, bo dlu lédo e: Hia atọ̀họ etọn lẹ.

¹³ Mì dayi agbó etọn lẹgo dagbedagbe, Mì lẹn awá etọn lẹ tọn pọ́n; Na mì nido dọ ẹ hlan whẹndo he ja to godo mítọn lẹ.

¹⁴ Na Jiwheyẹwhe he wẹ Jiwheyẹwhe mítọn kakadoi: Ewọ wẹ na yín alihiamẹtọ mítọn yèdọ kaka jẹ okú.