PSALM 47 - BIBLU WIWE LỌ 1923

¹ MÌ hòpé, mì gbẹtọ lẹ emi; Mì yí ogbẹ̀ ayajijẹ tọn do jaya awhangbigba tọn hlan Jiwheyẹwhe.

² Na OKLUNỌ Gigogán jiawu: Ewọ wẹ Ahọlu daho to aihọn lẹpo ji.

³ Ewọ wẹ na zín gbẹtọ lẹ dai to oglọ mítọn, Po akọta lẹ po to afọpáhomẹ mítọn glọ.

⁴ Ewọ wẹ na dè ogú mítọn na mí; Yẹyi Jakobu mẹhe é yiwanna tọn. Selah.

⁵ Jiwheyẹwhe hẹji yì po awhá po, OKLUNỌ po ogbẹ̀ opẹ̀n tọn po.

⁶ Mì jihàn pipa tọn hlan Jiwheyẹwhe, mì jihàn pipa tọn: Mì jihàn pipa tọn hlan Ahọlu mítọn, mì jihàn pipa ton.

⁷ Jiwheyẹwhe wẹ Ahọlu aihọn lẹpo tọn: Mì yí nuyonẹn do jihàn pipa tọn

⁸ Jiwheyẹwhe duaholu to kosi lẹ ji: Jiwheyẹwhe sinai to ofìn wiwe etọn ji.

⁹ Ahọvi gbẹto lẹ tọn bé yéde pli, Yèdọ omẹ Jiwheyẹwhe Ablaham tọn lẹ; Na awòyinú aigba tọn lẹ Jiwheyẹwhe tọn wẹ, Ewọ wẹ yè zedaga talala.