PSALM 46 - BIBLU WIWE LỌ 1923

¹ JIWHEYẸWHE wẹ fibẹ̀tado po huhlọn mítọn po, Alọgọ alọnualọnu tọn to tukla mẹ.

² Enẹwutu wẹ míwlẹ ma to obu na di, eyín aigba tlẹ diọ, Bọ yè sọ hẹn osé daho lẹ yi do ohù mẹ;

³ Eyín osìn lẹ tlẹ to hihò bo to futufutuyẹn, Eyín osé daho lẹ tle whàn gbọn hiho etọn dali. Selah.

⁴ Otò de tin, asisa ehe tọn nọ hẹ homẹ otòdaho Jiwheyẹwhe tọn hùn, Fiwiwe gohọ́túntún Gigogán tọn lẹ tọn.

⁵ Jiwheyẹwhe tin to ṣẹnsẹn etọn; é ma na yín sisẹtenna: Jiwheyẹwhe na gọalọ nẹ̃ to afọnnufu

⁶ Kosi lẹ to homẹhò, yè sẹtẹnna ahọludu lẹ: E kẹnu etọn, aigba yọ́.

⁷ OKLUNỌ awhànpa lẹ tọn tin to mí de; Jiwheyẹwhe Jakobu tọn wẹ atọ̀họ he yìaga mítọn. Selah.

⁸ Mì wá pọ́n azọ́n OKLUNỌ tọn, Hẹngble he é ko basi to aigba ji.

⁹ É hẹn awhàn gbọ kaka jẹ aigba, pòdo; É wén ogá, bo sọ sán owhán do awe; hẹn kẹkẹ awhàn tọn fiọ to miyọn mẹ.

¹⁰ Mì ṣite abọẹ, na mì ni yọnẹn dọ yẹn wẹ Jiwheyẹwhe; Yè na zé mi daga to aihọn mẹ.

¹¹ OKLUNỌ awhànpa lẹ tọn tin to mí de; Jiwheyẹwhe Jakobu tọn wẹ atọ̀họ he yìaga mítọn. Selah.