PSALM 43 - BIBLU WIWE LỌ 1923

¹ DAWHÈ ṣie, Jiwheyẹwhe È, bo sọ yí owhẹ̀ ṣie dọ to akọta madolẹblanunọ go: Whlẹn mi sọn dawe mẹklọtọ mawànugbonọ lọ si.

² Na hiẹ wẹ Jiwheyẹwhe huhlọn ṣie, etẹwutu hiẹ tùn mi hlan? Etẹwutu yẹn to yìyì to nùbibla mẹ na awusinyẹnnamẹ kẹ̀ntọ tọn wutu?

³ Do hinhọ́n towe po nugbo towe po hlan gbonu: na yé ni yín alihiamẹtọ ṣie, Na yé ni sọ hẹn mi hẹ́ osé towe wiwe ji, Podọ biọ gohò towe lẹ mẹ.

⁴ Whenẹnu wẹ yẹn na yì fie agbà Jiwheyẹwhe tọn te, Yì Jiwheyẹwhe homẹhùnhùn ayajijẹ ṣie tọn daho de, Nugbo, to ajalẹn ji wẹ yẹn na nọ pa we te, Jiwheyẹwhe È, Jiwheyẹwhe ṣie.

⁵ Etẹwutu ota towe dokódò, hiẹ ayiha ṣie? Etẹwutu hiẹ hunhlun to ohò ṣie mẹ? Hiẹ ni do tódido to Jiwheyẹwhe mẹ: na yẹn na sà nọ pa ẹ, Mẹhe yín whlẹngan nukun ṣie mẹ tọn, podọ Jiwheyẹwhe ṣie.