PSALM 42 - BIBLU WIWE LỌ 1923

OWÉ 2

¹ LE agbànlin nọ kukàn osìn tọpesẹ tọn do, Jiwheyẹwhe E, mọwẹ ayiha ṣie kukàn towe do.

² Nùgbla Jiwheyẹwhe tọn to ayiha ṣie hù, Jiwheyẹwhe ogbènọ: Whetẹnu wẹ yẹn na wá, bo sọawúhia to Jiwheyẹwhe nukọn?

³ Dasìn ṣie wẹ yín núdùdù ṣie to okle po ozán po, Whenuena yé to didọ hlan mi whepoponu, dọ, Fiẹ Jiwheyẹwhe towe te?

⁴ Whenuena yẹn flin onú helẹ, yẹn túntún ayiha ṣie jẹgbonu to ohò ṣie mẹ: Dọ, yẹn hodo agùn lọ yì, yẹn hodo yé yì ohò Jiwheyẹwhe tọn mẹ, Ogbè ayajijẹ po pipa po tọn, hẹ agùn he to hùnwhẹ etọn wà lẹ.

⁵ Etẹwutu ota towe dokọ̀dò, hiẹ ayiha ṣie? Etẹwutu hiẹ hunhlun to ohò ṣie mẹ? Hiẹ ni do tódido to Jiwheyẹwhe mẹ: na yẹn na sà nọ pa ẹ, Na whlẹngan nukun etọn mẹ tọn wutu.

⁶ Jiwheyẹwhe ṣie È, ota ayiha ṣie tọn dokòdò to ohò ṣie mẹ: Enẹwutu wẹ yẹn na flin we sọn aigba Jọdani tọn ji, Podọ sọn Hamoni lẹ tọn ji, sọn osé Miza tọn ji.

⁷ Odògbo osìn tọn to odògbo osìn tọn ylọ to ogbẹ̀ asisa otọ̀ tọn mẹ: Agbowhẹn osìn towe tọn po bibli osìn towe tọn po ṣinyọn oji e.

⁸ Ṣigba OKLUNỌ na degbè dagbewanyi etọn tọn to okle whenu, Podọ to ozánmẹ ohán etọn na tin to de, Po odẹ ṣie po hlan Jiwheyẹwhe ogbẹ̀ ṣie tọn.

⁹ Yẹn na dọ hlan Jiwheyẹwhe, awinyan ṣie, dọ, Etẹwutu hiẹ wọnji ogo e ẹ́ Etẹwutu wẹ yẹn do to yìyì to nùbibla mẹ na awusinyẹnnamẹ kẹ̀ntọ tọn wutu?

¹⁰ Taidi nugbigbà hanyanhanyan de to ohú ṣie lẹ mẹ, wẹ ovlẹ he kẹ̀ntọ ṣie lẹ do to vivlẹ mi; Whenuena yé to didọ hlan mi whepoponu, dọ, Fie Jiwheyẹwhe towe te?

¹¹ Etẹwutu ota towe dokọ̀dò, hiẹ ayiha ṣie? Etẹwutu hiẹ hunhlun to ohò ṣie mẹ? Hiẹ ni do tódido to Jiwheyẹwhe mẹ: na yẹn na sà nọ pa ẹ, Mẹhe yín whlẹngan nukun ṣie mẹ tọn, podọ Jiwheyẹwhe ṣie.