PSALM 41 - BIBLU WIWE LỌ 1923

¹ DONANỌ wẹ yé he to madogánnọ lẹ tọn lẹnpọn: OKLUNỌ na whlẹn ẹn to nukunbia whenu.

² OKLUNỌ na sọ ẹ whlá, bo sọ hẹn ẹn do ogbẹ̀; yè nasọ dona ẹn to aigba ji: Hie sọ jo e na òjlo kẹ̀ntọ etọn le ton blo.

³ OKLUNỌ na hẹn e go to azònzàn etọn ji: Hiẹ sọ diọ adózan etọn lẹpo to azọ̀n etọn whenu.

⁴ Yẹn dọmọ, OKLUNỌ E, wàlẹblanuna mi: Hẹn azọ̀n ayiha ṣie tọn gbọ̀, na yẹn ko wà oylan do we.

⁵ Kẹntọ ṣie lẹ to oylan dọ do ogo e, dọ, Whetẹnu wẹ ewo na kú, bọ oyín etọn na súdo?

⁶ Eyín é wá pọ́n mi, é nọ to ohó lalo dọ: Ayiha etọn bẹ́ ylando pli hlan ede; Whenuena é tón jei, é nọ to didọ ẹ.

⁷ Yé he gbẹwanna mi lẹpo nọpọ to páde dota ṣie: Yẹn go wẹ yé to awugble ṣie lẹn do.

⁸ Yé didọmọ, Yè kọ̀n onú ylankan dẽlẹ jẹgbonu do homẹ nẹ: Ai he é mlọn, é ma na fọ́n ba.

⁹ Nugbo, họ́ntọn ṣie lọsu titi, mehe go homẹ ṣie hùn do, he to dùdù to núdùdù ṣie mẹ, Zé afọgbẹn etọn daga do oji e.

¹⁰ Ṣigba wàlẹblanuna mi, OKLUNỌ E, bo zé mi tite, Na yẹn nido suahọ etọn yé.

¹¹ Ehe dali wẹ yẹn yọnẹn dọ hiẹ hùnhomẹ do ogo e, Na kẹ̀ntọ ṣie lẹ ma jaya do oji e wutu

¹² Eyín yẹn tọn wẹ, hiẹ hẹn mi dote to wàlọpipé ṣie mẹ, Hiẹ sọ zé mi dai do nukọn towe kakadoi.

¹³ Donanọ wẹ OKLUNỌ Jiwheyẹwhe Islaeli Tọn son madopodo jẹ madopodo. Niṣẹ, podọ nisẹ.