PSALM 4 - BIBLU WIWE LỌ 1923

¹ SIỌ: mi whenuena yẹn to yiylọ, Jiwheyẹwhe dódó ṣie tọn È: Whenuena yẹn tin to awusinyẹn mẹ hiẹ ko kletẹnna mi; Walẹblanu na mi, bo sọ sè odó ṣie.

² Mi ovi gbẹtọ tọn emi, na mì na diọ gigo ṣie zùn winyan dẹn sọ? Na mì na jlo nuvó dẹn sọ, bo sọ to yéwiwàdinpé? Selah.

³ Ṣigba mì ni yọnẹn dọ OKLUNỌ ko dè ayihawiwenọ dẽvo na ede. OKLUNỌ na sè whenuena yẹn dawhá ylọ ẹ.

⁴ Avò ni vò mì, mì sọ wàylando blo: Mì dohó hẹ ayiha mítọn to ozàn mítọn ji, bo sọ nò abọ̀ẹ. Selah.

⁵ Mì sánvọ dódó tọn, Bo sọ dotudo OKLUNỌ go.

⁶ Mẹsusu wẹ to didọ, dọmọ, Mẹnu wẹ na do dagbe hia mí? OKLUNỌ, hiẹ ni zé hinhọ́n nukun towe tọn daga do mí gó.

⁷ Hiẹ sọ yí homẹhùnhùn do ayiha mẹ na mi, Hù ojlẹ he mẹ ogbadó yetọn po ovẹ̃n yetọn po sudeji.

⁸ Yẹn na mlọnai bo damlọn jijọho mẹ, na hiẹ, OKLUNỌ, dopokẹdẹ wẹ hẹn mi sinai mahanú.