PSALM 39 - BIBLU WIWE LỌ 1923

¹ YẸN dọ, Yẹn na nọ dayi ali ṣie go; Na yẹn nikã yi odẹ́ ṣie do wà oylan: Yẹn na yí ajà do onù ṣie, Whenuena mẹylankan tin to nukọn ṣie.

² Yẹn zùn unbọpẹn na abọẹninọ, yẹn sọ yí onù ṣie whlá sọn ohó dagbe mẹ; Awufiẹsa ṣie sọ fọ́n wá aga.

³ Ayiha ṣie hùnmiyọn to ohò ṣie mẹ, Whenuena yẹn to wedo, miyọn sọ ji: Whenẹnu wẹ yẹn yí odó ṣie do dọhó.

⁴ OKLUNỌ, hẹn mi yón pòdo ṣie, Podọ ojlé azán ṣie lẹ tọn le é te: Hẹn mi nado yón lẹ́ yẹn yín ogbẹ̀glinọ do.

⁵ Dayi e go, hiẹ ko diọ azán ṣie di alọpàhomẹ vude, Azán he to ota na mi sọ taidi nuvọ to nukọn towe: Nugbo, omẹ popo to aisintẹn dagbe etọn mẹ ovọ́ patapata. Selah.

⁶ Nugbo, di oyẹ́ wẹ gbẹtọ lẹpo to zọnlinzìn; Nugbo wẹ yé to tuklaje to ovọ́ mẹ: E to adọkun pli, é ma yón mẹhe na bẹ́ yé.

⁷ Be dinvie, OKLUNỌ, etẹ yẹn tenọpón? Tódido ṣie tin to hiẹ mẹ.

⁸ Whlẹn mi sọn tasinẹn ṣie lẹpo mẹ: A yí mi do basi ovlẹ oklenọ lẹ tọn blo.

⁹ Yẹn zùn unbọpẹn, yẹn ma kẹnu ṣie; Na hiẹ wẹ basi i.

¹⁰ Dè azònylankan towesọn ogo e: Yẹn dọ̀n gbọn avùn towe dali.

¹¹ Whenuena hiẹ yí wọhẹ do kọhona gbẹtọ na ylando wutu, Hiẹ basi whanpẹ etọn ni gbidi taidi owán: Nugbo, ovọ́ wẹ gbẹtọ lẹpo. Selah.

¹² Sè odó ṣie, OKLUNỌ E, na a ni sọ nató yiylọ ṣie na alọgọ; A do onù towe abọẹ do dasìn ṣie go blo: Na ojonọ wẹ yẹn to de we; wáṣinu dile otọ́ ṣie lẹpo te.

¹³ A pọ́n odali ṣie blo, na yẹn nido jaglin, Whẹpo yẹn nado yì sọn ofi, bo nado yin matīntọ.