PSALM 36 - BIBLU WIWE LỌ 1923

¹ YLANKAN mẹylankan tọn nọ dọhó to ayiha etọn mẹ: Osi Jiwheyẹwhe tọn ma tin to nukọn etọn.

² Na é to ede kó to ede nukunmẹ, Dọ yè ma na mọ oylanwiwà etọn bo gbẹwanna.

³ Ohó onù etọn mẹ tọn yín ylando po oklọ po: É ko jo nuyọnẹn po dagbewiwà po dai.

⁴ É to ayiha ylando tọn lẹn to adọ́zan etọn ji: E ṣite ali he ma yón ji; E ma sọ gbẹwanna oylan.

⁵ OKLUNỌ E, dagbewanyi towe tin to olọn lẹ mẹ; Nugbo towe sọ jẹ aslọ lẹ de.

⁶ Dódó towe taidi osé Jiwheyẹwhe tọn lẹ; Whẹ̀dida towe siso di odògbo: OKLUNỌ E, hiẹ yí gbẹtọ po kanlin po whlá.

⁷ Jiwheyẹwhe E, na dagbewanyi towe yín nuhọakuẹ do le! Enẹwutu wẹ ovi gbẹtọ tọn lẹ na nọ din fibẹ̀tado to yẹtẹn awà towe tọn glọ.

⁸ Ojó owhé towe gbè tọn na pékọ́ na yé susu; Hiẹ nasọ hẹn yé yì nùsin to otọ́ nujlomẹ towe tọn mẹ.

⁹ To dè we wẹ asisa ogbẹ̀ tọn te: Hinhọ́n towe mẹ wẹ mí na nọ mọ hinhọ́n te:

¹⁰ Hẹn dagbewanyi towe dite jẹ yé he yón we lẹ de; Podọ dódó towe hlan tenọglinọ to àyiba mẹ le.

¹¹ A dike afọ saklanọ tọn wá dẽ blo, A sọ dike alọ mẹylankan tọn yàn mi sẹ́ blo.

¹² Finẹ wẹ ylanzónwàtọ lẹ jai te: Yè fìnyọn yé do odò, yé ma na sọgan tite ba.