PSALM 35 - BIBLU WIWE LỌ 1923

¹ HÒAVÙN, OKLUNỌ È, hẹ yé he po yẹn po to avùnhò lẹ: Fùnawhàn hẹ yé he to awhànfùn hẹ mi lẹ.

² Hẹn awòyinú po gaglo po go, Na a ni sọ fọ́nṣite na alọgọ ṣie.

³ Dòn owhán sún ga, bo gbòalina yé he to mọ́dona mi lẹ: Dọ hlan ayiha ṣie, dọ, Yẹn wẹ whlẹngan towe.

⁴ Gbọ yé ni mọwinyan, yè ni sọ dèyẹyi sọn yé go he to ayiha ṣie din lẹ: Yè ni hẹn yé gò, yè ni flú yé he to awugble ṣie lẹn lẹ.

⁵ Yé ni taidi nuvọ́ to jẹhọn nukọn, Angẹli OKLUNỌ tọn ni yàn yé.

⁶ Aliho yetọn ni dozinvlu bo didi, Angẹli OKLUNỌ tọn ni sọ to mọ́dona yé.

⁷ Na matin owhèhó yé tá odọ̀ yetọn dai do odò mẹ na mi; Matin owhẹ̀họ́ de ye kùn odọ̀ dai na ayiha ṣie.

⁸ Gbọ hùsúdo ni wá ota etọn ajiji: Odọ̀ etọn he é tá ni wlé ewlọsu: Hùsúdo lọ mẹ é ni jai do.

⁹ Ayiha ṣie na jaya to OKLUNỌ me; E na nọ jaya whlẹngan etọn mẹ.

¹⁰ Ohú ṣie lẹpo nasọ dọmọ, OKLUNỌ, mẹnu wẹ di hiẹ, He nọ dè nukunbianọ sọn ewọ he dohuhlọn hugán ẹn si; Nugbo, nukunbianọ po agbátọnọ po, sọn ewọ he to ajojẹ do e si.

¹¹ Kunnudetọ lalonọ lẹ tite; Yé to onu he yẹn ma yọnẹn kanbiọ mi.

¹² Yé yí oylan do súahọ dagbe Tọn mi hlan nuwàmẹ ayiha ṣie tọn

¹³ Ṣigba eyín yẹn tọn wẹ, whenuena awúmabọ yé, odẹ́vọ̀ wẹ avọ̀ ṣie; Yẹn sọ yí nùbibla do zín ayiha ṣie dai; Odẹ̀ ṣie sọ gọ̀ do akọ́n ṣie nu.

¹⁴ Yẹn hòhuwhẹ dẽ taidi họ́ntọn, kavi di nọvisunnu ṣie wẹ é yín: Yẹn yí homẹgble do litai taidi mẹhe to avihàndona onọ etọn.

¹⁵ Ṣigba whenuena yẹn pòzọ̀n yé to ayajẹ, yé sọ bẹ́ yéde pli; Mẹvọnu lẹ bẹ́yéde pli do ota na mi, yẹn ma yọ́n ẹn; Yé dọ̀n mi tlẹn, yé ma nabọẹ.

¹⁶ Di safunọ mẹvlẹtọ lẹ to núdùdù kọ̀n, Yé to adukúnkúndù do ota na mi.

¹⁷ OKLUNỌ, na hiẹ na to nupọ́n dẹ́n do? Dè ayiha ṣie sọn hùsúdo yetọn mẹ, Gbigbọ ṣie dopo sọn kinnikinni lẹ si.

¹⁸ Yẹn na dopéna we to agùn daho mẹ: Yẹn nasọ pà we to gbẹtọ susu mẹ.

¹⁹ A dike ewọ he to kẹndo mi to lalo mẹ lẹ kò mi blo: Mọ a sọ dike yé he gbẹwanna mi matin owhèhó de lẹ whènukun do mi blo.

²⁰ Na yé ma dọhó jijọho tọn, Ṣigba yé to ohó oklọ tọn lẹn do ome abọẹabọẹ aigba lọ ji tọn lẹ go

²¹ Nugbo, yé kẹ̀ onù yetọn dai do oji e, bo dọmọ, Ọ̃n, Ọ̃n, nukun mítọn ko mọ ẹn.

²² Éhe wẹ hiẹ mọ, OKLUNỌ È; A nabọẹ blo: OKLUNỌ E, a dèn do mi blo.

²³ Zé dewe do aga, bo sọ fọ́n jẹ whẹ̀dida ṣie kọ̀n, Podọ do whẹgbè ṣie kọ̀n, Jiwheyẹwhe ṣie E, OKLUNỌ ṣie.

²⁴ Dawhè ṣie, OKLUNỌ E, Jiwheyẹwhe ṣie, kẹdẹdi dódó towe; A dike yé kò mi blo.

²⁵ A sọ dike yé dọ to ayiha yetọn mẹ blo dọ, Ọ̃n, mọwẹ mí jlo e do: A sọ dike yé dọmọ, Míwlẹ ko zé e mì blo.

²⁶ Yé ni mọwinyan, na yé ni nọpọ flu, he to ayajẹ na awugbigble ṣie: Gbọ yè ni yí winyan po yeyimado po do doavọ̀na yé he to kikla do oji e lẹ.

²⁷ Gbọ yé ni yí ayajijẹ do jihàn, na homẹ yetọn ni sọ vivi, yé he do homẹhùn to dódó ṣie mẹ lẹ; Nugbo, gbọ yé ni to didọ kaka, dọmọ, OKLUNỌ wẹ yè ni nọ zedaga, He do homẹhùnhùn to jijọho devi etọn tọn mẹ

²⁸ Odẹ́ ṣie na nọ kanyiha dódó towe tọn, Po pipa towe tọn po to azán lẹpo gbè.