PSALM 32 - BIBLU WIWE LỌ 1923

¹ DONANỌ wẹ ewọ tasinẹn mẹhetọn yín jijona, ylando mẹhetọn yín nuṣinyọndo.

² Donanọ wẹ dawe lọ mẹhe OKLUNỌ ma hia oylan wiwà dokọ̀ na; Ayiha mẹhetọn mẹ oklọ depope ma te.

³ Whenuena yẹn nabọẹ, ohú ṣie dohó Na hùnwinwẹn ṣie wutu to azán popo mẹ.

⁴ Na okle po ozán po alọ towe pèn do oji e: Osìn awutu ṣie tọn sọ di akú alunlun mẹ tọn. Selah.

⁵ Yẹn yígbè tasinẹn ṣie tọn hlan we, oylanwiwà ṣie wẹ yẹn ma sọ yí whlá Yẹn dọmọ, Yẹn na yígbè oylan hóhó ṣie tọn hlan OKLUNỌ: Hiẹ sọ jo oylanwiwà ylando ṣie tọn na mi. Selah.

⁶ Ehe wutu wẹ mẹdepope he yín ayihawiwenọ na nọ hodè hlan we to whenuena yè sọgan din, we mọ: Nugbò to otè gigọ́ osìn daho lẹ tọn mẹ, yé ma na sẹpọ́ ẹ.

⁷ Hiẹ wẹ bẹtẹn ṣie; hiẹ na yí mi whlá sọn tukla mẹ; Hiẹ nasọ yí ohàn whlẹngan tọn lẹ́hla mi pé. Selah.

⁸ Yẹn na plọ́n we, yẹn nasọ yí afọ towe do ali he ji hiẹ na gbọn: Yẹn na yí nukun ṣie do dèwe hẹ we.

⁹ Mì tin taidi osọ́, kavi di otlo he ma tindo nuyọnẹn blo, Yẹyinú mẹhetọn ma na nọma yín ogàndonùmẹ po ogànkàn po, Yín é mayín mọ, yé ma na sẹpọ́ we.

¹⁰ Awúbla susu na tin na mẹylankan: Ṣigba ewọ he dotudo OKLUNỌ go, dagbewanyi wẹ na lédo e pé.

¹¹ Mì yín homẹhùnnọ to OKLUNỌ mẹ, bo to ayajẹ, mì dódónọ emi: Bo sọ nọ yí ayajijẹ do jihàn, mì he yín tenọglìnọ to ayiha mẹ lẹpo.