PSALM 30 - BIBLU WIWE LỌ 1923

Ohàn to Didèdo-wiwe Ohọ̀ tọn whenu: Psalm Davidi tọn de.

¹ YẸN na jlayinna we, OKLUNỌ È; na hiẹ wẹ dọ̀n mi daga, Bo ma dike kẹ̀ntọ ṣie lẹ kò mi

² OKLUNỌ Jiwheyẹwhe ṣie è, Yẹn dawhá ylọ we: hiẹ sọ hẹnazèngbọna mi.

³ OKLUNỌ È, hiẹ ko dè mi sọn kútòmẹ, Hiẹ sọ hẹn mi do ogbẹ̀, na yẹn niká jẹte yì odọ̀ mẹ.

⁴ Jihàn hlan OKLUNỌ, mì mẹwiwe etọn emi, Mì sọ dopèna oflin owàlọwiwe etọn tọn.

⁵ Na nukun whiwhe dopo wẹ adi etọn dẹn; Nukundagbe etọn mẹ wẹ ogbẹ̀ te: Avi sọgan wá whégbè nado nòhẹmẹ to tenu, Ṣigba hàngbè lélé ayajijẹ tọn ja to afọnnu.

⁶ Eyín yẹn tọn wẹ, to núyọ̀nna mẹ yẹn dọ, Yẹn ma otẹn na diọ gbèdegbède.

⁷ OKLUNỌ, gbọn nukundagbe towe dali hiẹ hẹn osé ṣie sinyẹn: Hiẹ yí nukun towe whlá, tukla pla mi.

⁸ Yẹn dawhá ylọ we, OKLUNỌ È; OKLUNỌ wẹ yẹn to ovè ṣie vè hlan.

⁹ Ale tẹwẹ tin to ohùn ṣie mẹ, whenuena yẹn jẹte yì odọ̀ mẹ? Kọ̀gudu wẹ na pà we la? ewọ wẹ nasọ dọ nugbo towe la?

¹⁰ OKLUNỌ E, sè, bo sọ wàlẹblanu na mi: OKLUNỌ, hiẹ ni yín alọgọnamẹtọ ṣie.

¹¹ Hiẹ ko diọ avi ṣie zùn owè na mi: Hiẹ ko dè odèvò ṣie sè; bo sọ yí homẹhùn do blagbajana mi;

¹² Na gigo ṣie nido nọ jihàn hlan we, bo ma nabọẹ. OKLUNỌ Jiwheyẹwhe ṣie E, yẹn na do we pà kakadoi.