PSALM 28 - BIBLU WIWE LỌ 1923

¹ HIE, OKLUNỌ È, wẹ yẹn na dawháylọ; Awinyan ṣie, a whẹ̀nyín do ogo na mi blo: Na eyín hiẹ whẹ̀nyín do ogo na mi, Yẹn niká di yé he jẹte yì odọ̀ mẹ lẹ

² Sè ogbè ovè ṣie tọn, whenuena yẹn dawhá ylọ we, Whenuena yẹn zé alọ ṣie do aga hlan zonji fiwiwe towe tọn.

³ A sọ dọ̀n mi yì po mẹylankan lẹ po blo, Podọ po ylanzọ̀nwàtọ lẹ po blo, He nọ dọhó jijọho hlan kọmẹnu yetọn lẹ, Ṣigba ylanwiwà tin to ayiha yetọn mẹ.

⁴ Na yé kẹdẹdi azọ́n yetọn, podọ kẹdẹdi kanyinylan owàlọ yetọn tọn lẹ: Yí na yé kẹdẹdi azọ́n alọ yetọn mẹ tọn; Yí ale yetọn na yé.

⁵ Na yé ma hò azọ́n OKLUNỌ tọn pèn, Kavi azọ́n alọ etọn mẹ tọn, Ewọ na sú yé do, é ma na zé yé dote.

⁶ Donanọ wẹ OKLUNỌ, Na é ko sè ogbẹ̀ ovẹ́ ṣie tọn.

⁷ OKLUNỌ wẹ huhlọn ṣie, awòyinú ṣie; Ewọ go wẹ ayiha ṣie dotudo, yè sọ gọalọna mi: Enẹwutu homẹ ṣie vivi susu; Yẹn nasọ nọ yí ohàn ṣie do pa ẹ.

⁸ OKLUNỌ wẹ huhlọn yetọn, ewọ wẹ gingántẹn whlẹngan tọn na mẹyiamisisadode etọn.

⁹ Whlẹn omẹ towe lẹ gán, bo sọ dona ogú-yigba towe: Nọ na núdùdù yé ga, bo sọ nọ zé yé daga kakadoi.