PSALM 27 - BIBLU WIWE LỌ 1923

¹ OKLUNỌ wẹ hinhọ́n ṣie po whlẹngan ṣie po, mẹnu yẹn na dibuna? OKLUNỌ wẹ gingántẹn ogbẹ̀ ṣie tọn: mẹnu yẹn na savọ̀na?

² Whenuena mẹylankan yèdọ kẹ̀ntọ ṣie lẹ, Podọ mẹslẹtọ ṣie lẹ, sẹpè mi nado dù olan ṣie, yé klẹnafọ bo jai.

³ Eyín awhànfùntọ lẹ tlẹ whèsla lédo mi, Ayiha ṣie ma obu na di: Eyín awhàn bo sọ fọ́n do oji e, Yèdọ whenẹnu wẹ ayiha ṣie nadotu.

⁴ Onú dopo wẹ yẹn bibiọ to OKLUNỌ si, enẹ lọ wẹ yẹn na to dindin; Na yẹn nido nọnọ̀ ohò OKLUNỌ tọn mẹ to gbẹzán ṣie lẹpo mẹ, Nado nọ pọ̀n whanpẹ OKLUNỌ ton, nado nọ kànuse to tẹmpli etọn mẹ.

⁵ Na to nukunbibia whenu ewọ na yi mi whlá do afìnhọ̀ etọn mẹ: Fiwhiwhlá gohọ̀ etọn tọn mẹ wẹ é na yí mi whlá do; É nasọ zé mi do awinyan de ji.

⁶ Lò wẹ ota ṣie na zé daga hú kẹ̀ntọ ṣie he lédo mi lẹ tọn; Enẹwutu wẹ yẹn na sánvọ̀ ayajijẹ tọn to gohò etọn mẹ: Yẹn nasọ jihàn, nugbo, ohàn pipa tọn wẹ yẹn na ji hlan OKLUNỌ.

⁷ Sè OKLUNỌ È, whenuena yẹn yí ogbè ṣie do ylọ: Wàlẹblanuna mi ga, bo sọ siọ mi.

⁸ Whenuena hiẹ dọmọ, Mì din nukun ṣie; ayiha ṣie dọ hlan we, Dọ, OKLUNỌ, nukun towe wẹ yẹn na nọ din.

⁹ A yí nukun towe whlá sọn dẽ blo; A sọ yí homẹgble do dè devi towe sẹ̀ blo: Hiẹ wẹ alọgọ ṣie; A jo mi dai blo, mọ a sọ gbẹ́ mi dai blo, Jiwheyẹwhe whlẹngan ṣie tọn E.

¹⁰ Whenuena otọ́ ṣie po onọ ṣie po gbẹ́ mi dai, Whenenu wẹ OKLUNỌ na dealọyí mi.

¹¹ Plọ̀n ali towe mi, OKLUNỌ È, Bo hẹn mi gbọn ali jijlọ ji, Na kẹ̀ntọ ṣie lẹ tọn wutu.

¹² A yí mi do alọ ojlo kẹ̀ntọ ṣie lẹ ton mẹ blo: Na kunnudètọ lalonọ le fọ́n do oji e, podọ yé he nọ tọ gbigbọ oka tọn gbọ̀ lẹ.

¹³ E dikòna mi, adavo le yẹn ko yise nado nọ pọ́n dagbe OKLUNỌ tọn, To aigba gbẹ́nọ tọn ji.

¹⁴ Nọtepọ́n OKLUNỌ: Yín huhlọnnọ bo gbọ ayiha towe ni dèji: Nugbo, nọtepèn OKLUNỌ.