PSALM 26 - BIBLU WIWE LỌ 1923

¹ DAWHÈ ṣie, OKLUNỌ È; na yẹn ko to zọnlinzìn to walọpipé ṣie mẹ: Yẹn ko dotudo OKLUNỌ go ga to mado ayi awe mẹ.

² Dindòna mi, OKLUNỌ È, na a ni mọdòna mi; Whle homẹ ṣie po ayiha ṣie po pọ́n.

³ Na dagbewanyi towe tin to nukọn ṣie: Yẹn ko to zọnlinzìn to nugbo towe mẹ.

⁴ Yẹn ma sinai hẹ mẹvonu lẹ, Mọ yẹn ma na biọ họmẹ hodo alẹdatọ lẹ gba.

⁵ Yẹn ko gbẹwanna agùn ylanzọ́nwàtọ lẹ tọn; Yẹn ma na sinai hẹ mẹylankan lẹ gba.

⁶ Yẹn na klọ́ alọ ṣie to homẹvó mẹ; Mọwẹ yẹn na lẹ́do agbà towe pé, OKLUNỌ È:

⁷ Na yẹn nido hẹn ogbè opẹ́ tọn zùn sisè, Bo sọ nọ dọhó azọ́n jawu towe lẹpo tọn.

⁸ OKLUNỌ, yẹn yiwanna aisintẹn ohò towe mẹ tọn, Po fie gohò gigo towe tọn te po.

⁹ A bẹ́ ayiha ṣie dopọ po mẹylankan lẹ tọn po blo, Kavi gbigbọ ṣie po mẹhùnnutọ lẹ tọn po blo.

¹⁰ Alọ mẹhetọn mẹ jijọ oka tọn te, Adusilọ yetọn sọ gó na núbibla.

¹¹ Ṣigba eyín yẹn tọn wẹ, yẹn na to zọnlinzìn to walọpipé ṣie mẹ: Fli mi, bo sọ wàlẹblanuna mi.

¹² Afọ ṣie nọte to fie sọgbè: To agùn lẹ mẹ wẹ yẹn na nọ na dona OKLUNỌ te.