PSALM 24 - BIBLU WIWE LỌ 1923

¹ OKLUNỌ tọn wẹ aigba po gigọ́ etọn lẹ po; Aihọn po yé he nọnọ̀ e mẹ lẹ po.

² Na é sọ yé whete do ohù ji, Bo sọ zé e bọdai do otọ́ lẹ ji.

³ Mẹnu wẹ na hẹ́ osé OKLUNỌ tọn lọ ji? Kavi mẹnu wẹ na nọte to otẹn wiwe etọn mẹ?

⁴ Ewọ he tindo alọ wiwe, ayiha wiwe; Mẹhe ma zé ayiha etọn daga do nuvọ go, Bo ma whlewhiwhle lalo tọn

⁵ Ewọ wẹ na mọ dona yí to OKLUNỌ si, Po dódó po sọn Jiwheyẹwhe whlẹngan etọn tọn si.

⁶ Ehe wẹ whẹndo yé he to kinkanbiọ to e si lẹ tọn, He to nukun towe din na mọ, Jiwheyẹwhe Jakobu tọn E. Selah.

⁷ Mì zé ota mítọn daga, mì hóngbo emi, Mì sọ yín zizedaga, mì ohòn mado podo emi; Ahọlu gigo tọn na biọ whégbè wá.

⁸ Mẹnu wẹ Ahọlu gigo tọn he? OKLUNỌ huhlọnnọ, asuka, OKLUNỌ asuka to awhàn nukọn.

⁹ Mi zé ota mítọn daga, mì hòngbo emi; Yèdọ na mì ni zé yé daga, mì ohón madopodo emi, Na Ahọlu gigo tọn na biọ whégbè wá.

¹⁰ Mẹnu wẹ Ahọlu gigo tọn he? OKLUNỌ awhànpa lẹ tọn, Ewọ lọ wẹ Ahọlu gigo tọn; Selah.