PSALM 20 - BIBLU WIWE LỌ 1923

¹ OKLUNỌ ni siọ we to nukunbia zángbè; Oyín Jiwheyẹwhe Jakobu tọn ni zé we daga.

² Ni do alọgọ hlan we sọn fiwiwe mẹ Ni sọ zé we dote sọn Ziọni mẹ.

³ Ni flin avọ́ jinúlili towe tọn lẹpo; Bo sọ yí avọ́ mimẹ̀ towe. Selah.

⁴ Ni na we kẹdẹdi ayiha towe mẹ tọn, Bo sọ hẹn ohónamẹ towe lẹpo diun.

⁵ Mí na nọ dabóbó to whlẹngan towe mẹ, To oyín Jiwheyẹwhe mítọn tọn mẹ wẹ mí na yí awhànsia mítọn whete te: Na OKLUNỌ ni hẹn ovọ́ towe lẹpo di.

⁶ Lò wẹ yẹn yọnẹn dọ, OKLUNỌ whlẹn mẹyiamisisadode etọn gán; Bo na siọ ẹ sọn olọn wiwe etọn mẹ, Gbon huhlọn whlẹngan adusilọ etọn tọn dali.

⁷ Mẹdelẹ̃ to tudodo kẹkẹ go, mẹdelẹ̃ do osé go; Ṣigba míwlẹ na nọ dọhó oyín OKLUNỌ Jiwheyẹwhe mítọn tọn.

⁸ Yé dó, yé jai: Ṣigba míwlẹ fọ́n bo sọ nọte gligli.

⁹ OKLUNỌ È, whlẹn omẹ: Gbọ Ahọlu ni sè whenuena mí dawhá ylọ ẹ.