PSALM 19 - BIBLU WIWE LỌ 1923

¹ OLỌN lẹ to gigo Jiwheyẹwhe tọn hódọ; Agahòmẹ sọ to alọnuzọ́n etọn la.

² Okle hlan okle to ohó túntún jẹgbonu, Ozán hlan ozán to nuyọnẹn la.

³ Ohógbè de ma tin, mọ ogbẹ̀ de ma tin; Yè ma sọgan sè ogbẹ̀ yetọn gba.

⁴ Okàn yetọn tón yí aihọn lẹpo mẹ, Ohó yetọn sọ jẹ aihọn pòdo. To yé mẹ wẹ é wahó na owhè do,

⁵ Ehe di asisunọ to tintọn sọn abò etọn mẹ ja, Bo to ayajẹ di gbẹtọ asuka de nado hònwezun omó etọn tọn.

⁶ Tintón jẹgbonu etọn sọn olọn dòdó, Lédo etọn sọ jẹ pòdo etọn; Núde ma tin bo sọ awuwhlá sọn yózo etọn mẹ.

⁷ Osẹ́n OKLUNỌ tọn pé, é nọ hẹn awuya ayiha: Aṣẹdai OKLUNỌ tọn wẹ nugbo: bo nọ diọ mayọndẽnọ zùn nuyọnẹntọ.

⁸ Ogbèdai OKLUNỌ tọn lẹ jlọ, yé nọ hẹn ayiha jaya: Wiwe wẹ gbèdide OKLUNỌ tọn, é sọ nọ basi hinhọ́n nukun tọn

⁹ Osi OKLUNỌ tọn wé, é tin ai kaka; Nugbo sọ wẹ whẹ̀dida OKLUNỌ tọn, podọ dódó wẹ yé omẹ pó.

¹⁰ Yè nọ jlo yé hú sika, mọwẹ, hú sika kinkòn he yón gbahúgbahú: Yé sọ vivi hú owín owíntọ́ tọn.

¹¹ Mọ gbọn yé dali wẹ yè hùntó na mẹmẹglọ towe; Podọ to sisọ yé whlá mẹ wẹ ale sùsù te.

¹² Mẹnu wẹ sọgan yón alibubu ede tọn? Klọ́ mi wé sọn nugbigble whiwhlá lẹ mẹ.

¹³ Dọn mẹmẹglọ towe do godo sọn ylando kinklẹn tọn mẹ; A dike yé dugán do oji e blo: whenẹnu wẹ yẹn na yin pipénọ, Yẹn nasọ yín homẹvọnọ sọn tasinẹn daho nẹ mẹ,

¹⁴ Gbọ ohó onù ṣie mẹ tọn, po linlẹn ayiha ṣie mẹ tọn po, ni yín alọkẹyi to nukun towe mẹ, OKLUNỌ È, a winyan ṣie, mẹflitọ ṣie.