PSALM 16 - BIBLU WIWE LỌ 1923

¹ JIWHEYẸWHE E, hla mi dai; na hiẹ mẹ wẹ yẹn fibẹ̀tado din te.

² Yẹn ko dọ hlan OKLUNỌ, dọ, Hiẹ wẹ Oklunọ ṣie, Yẹn ma do dagbe de to godo towe.

³ Eyín mẹwiwe he tin to aihọn mẹ lẹ tọn wẹ, Omẹ gbọnvò wẹ yé, mẹhe mẹ ohòmẹhùnhùn ṣie te.

⁴ Awúbla mẹhe nọ yí OKLUNỌ do diọ jiwheyẹwhe dẽvo tọn lẹ na sù deji: Avó nùnù yetọn ohùn tọn wẹ yẹn ma to na sọn dai, Yẹn ma to na yí oyín yetọn do nùflo ṣie ji.

⁵ OKLUNỌ wẹ mimá ogú ṣie tọn, po kọfo ṣie tọn po: Hiẹ wẹ hẹn numanamẹ ṣie go gligli.

⁶ Okàn yìnyìn ko jẹ dẽ to ofi he yón; Nugbo, ogú lọ whanpẹnọ wẹ na mi.

⁷ Yẹn na dona OKLUNỌ, mẹhe nọ na linlẹn mi; Homẹ ṣie ga sọ to mẹplọnlọ do ogo e to ozán mẹ.

⁸ Yẹn ko zé OKLUNỌ do nukọn ṣie whepoponu: Na é tin to adusi ṣie mẹ wutu, yè ma na diọtẹn na mi

⁹ Na enẹwutu wẹ homọ ṣie hùn, bọ gigo ṣie sọ to ayajẹ; Agbasalan ṣie ga nasọ gbọjẹ to gòdenú mẹ.

¹⁰ Na hiẹ ma na jo ayiha ṣie dai do kútòmẹ; Mọ hiẹ ma to na dike mẹwiwe towe ni mọ gbigble.

¹¹ Hiẹ na yi aliho ogbó tọn hia mi: To nukọn towe wẹ gigọ́ ayajẹ tọn te; To adusi towe mẹ wẹ homẹvivi tin te kakadoi.