PSALM 148 - BIBLU WIWE LỌ 1923

¹ HALLELUJAH. Mì pa OKLUNỌ sọn olọn lẹ mẹ: Mì pa ẹ to fiyìji lẹ.

² Mì pa ẹ, mì angẹli etọn lẹ emi; Mì pa ẹ, mì awhànpa etọn lẹpo emi.

³ Mì pa ẹ, owhè po osùn po: Mì pa ẹ, mì sunwhlẹvu hinhọ́n tọn lẹ emi.

⁴ Pa ẹ, mì olọn olọn lẹ tọn, Podọ mì osìn he tin to aga olọn lẹ tọn.

⁵ Mì gbọ yé ni pa oyín OKLUNỌ tọn: Na é degbè, yè sọ da yé.

⁶ Ẹ sọ hẹn yé lódo ga kakadoi: E ko do asẹ de ai he ma na juwáyì.

⁷ Mì pa OKLUNỌ sọn aigba-homẹ, Mì dànawànọ lẹ emi, po mì osédò lẹpo po:

⁸ Miyọn, po kẹnjikun po, kẹnsu, po avìvì po: Oyú jẹhọn he to ohó etọn hẹn ṣẹ:

⁹ Osó lẹ po okọta lẹpo po: Atin sinsénnọ lẹ po kedali lẹpo po.

¹⁰ Gbékanlin po whékanlin lẹpo po; Onú he nọ lìnlẹ, po ohẹ́ he zinzlọn po:

¹¹ Ahọlu aigba tọn lẹ, po gbẹtọ lẹpo po; Ahọvi lẹ, po whẹ̀datọ aigba tọn lẹpo po:

¹² Dẹ̀pẹ lẹ, po awhli lẹ po; Yọ́nhónọ lẹ, po yọ̀pọ lẹ po:

¹³ Mì gbọ yé ni pa oyín OKLUNỌ tọn Na oyín ewọ dopokẹdẹ tọn wẹ gbọ̀nvo: Yẹyidaho etọn sọ ṣinyọn aigba po olọn po ji.

¹⁴ E sọ zé azò omẹ etọn lẹ tọn daga ga, Pipa mẹwiwe etọn lẹpo tọn; Yèdọ ovi Islaeli tọn lẹ, gbẹtọ he sẹpọ́ dali etọn lẹ. Hallelujah.