PSALM 147 - BIBLU WIWE LỌ 1923

¹ HALLELUJAH. Na yinyọn wẹ nado nọ jihàn pipa lẹ hlan Jiwheyẹwhe mítọn; Na e vivi; pipa sọ jlọjẹ.

² OKLUNỌ wẹ dó Jelusalẹm; Ewọ wẹ sọ ṣinyan gbakija Islaeli tọn lẹ plidopọ.

³ E hẹnazọ̀ngbọna ayihagbadonọ lẹ, Bo sọ bla alan yetọn.

⁴ E hía sọha sunwhlẹvu lẹ tọn; Bo sọ ylọ yé oyín yetọn-yetọn.

⁵ Kiklo wẹ OKLUNỌ mítọn, dahonọ to huhlọn mẹ: madosọha wẹ nuyọnẹn etọn.

⁶ OKLUNỌ hẹn homemimiọnnọ lẹ dóte: E zín mẹylankan lẹ dai hlan aigba.

⁷ Mì yi opẹ́ dọ jihàn hlan OKLUNỌ; Mì jihan pipa lẹ to ajalẹn ji hlan Jiwheyẹwhe mítọn

⁸ Mẹhe yí aslọ lẹ ṣinyọn na olọn, Mẹhe wleawu ojikun tọn dai na aigba, Mẹhe hẹn ogbé wú to osé lẹ ji.

⁹ E na núdùdù kanlin tọn hlan ẹn, Podọ hlan ohọ́nvú he to awhado lẹ.

¹⁰ Ewọ ma tindo homẹvivi to huhlọn osọ tọn mẹ: E ma sọ hùnhomẹ to agún gbẹtọ de tọn lẹ me gba.

¹¹ OKLUNỌ tindo homẹhùnhùn do yé he dibusi i lẹ go, Do yé he to tódo to dagbewanyi etọn mẹ lẹ go.

¹² Pa OKLUNỌ, hiẹ Jelusalẹm È; Pa Jiwheyẹwhe towe, hiẹ Ziọni È.

¹³ Na ewọ ko hẹn opatin hòngbo towe tọn lẹ ṣinyẹn; Ẹ ko dona ovi towe lẹ to ohò towe mẹ.

¹⁴ E ko hẹn jijọho wá agboji towe lẹ ji, Bo sọ yí olikún dagbedagbe do, gohona we.

¹⁵ E ko do osẹ́n etọn hlan gbonu do aigba ji; Ọhó etọn wezunhọn dédé,

¹⁶ É yí kẹnsu na omẹ taidi kanlinfun; É sọ vúnvún ahún-ago taidi afín.

¹⁷ É zé osinmlinmlin etọn dlan taidi onùdo. Mẹnu wẹ sọgan ṣite to avivọ etọn, nukọn?

¹⁸ E do ohó etọn hlan gbonu, bo hẹn, ye yọ: E hẹn jẹhọn etọn yìn, osìn lẹ sọ to sisa.

¹⁹ E do oho etọn hia hlan Jakobu, Osẹ́ndoai po whẹ̀dida etọn lẹ po hlan Islaeli.

²⁰ E ma ko wàhẹ akọta de do mọ gba: Eyín é sọ yín whẹ̀dida etọn lẹ tọn wẹ, Ye ma ko yọ́n yé gba. Hallelujah.