PSALM 146 - BIBLU WIWE LỌ 1923

¹ HALLELUJAH. Pa OKLUNỌ, hiẹ ayiha ṣie.

² Le yẹn nọgbẹ̀ dẹn sọ, OKLUNỌ wẹ yẹn na to pipa: Yẹn na jihàn pipa lẹ hlan Jiwheyẹwhe ṣie to ojlẹ he mẹ tintin tin to asi e.

³ Mì dotudo ahọvi lẹ go blo, Kavi do ovi gbẹtọ tọn go, Mẹhe mẹ whlẹngan depope ma tin te.

⁴ Gbọfufu etọn tọ́n yì, ewọ sọ go do okọ́ etọn de, To azán nẹ gbè gẽ linlẹn etọn lẹ súdo.

⁵ Donanọ wẹ ewọ he tindo Jiwheyẹwhe Jakobu tọn na alọgọ etọn, Gbàndọnpọ́nmẹ mehetọn tin to OKLUNỌ Jiwheyẹwhe etọn mẹ:

⁶ Mẹhe da olọn po aigba po, Ohù, po onú he tin to e mẹ lẹpo po: Mehe yìn nugbo kakadoi:

⁷ Mẹhe hẹn whẹ̀dida ṣẹ na nukunbianọ: Mẹhe na núdùdù hlan huvétọnọ. OKLUNỌ tún ogàntọ lẹ dote.

⁸ OKLUNỌ hùn nukun nukuntọnnọ lọ tọn; OKLUNỌ zé yé he yè dẹ́ do odò lẹ dote; OKLUNỌ yiwanna dódónọ lẹ:

⁹ OKLUNỌ yínuglona wasinu lẹ; E hẹn tọ́ṣiọvi po asuṣiọsi po dote: Ṣigba aliho mẹylankan lẹ tọn wẹ é hẹn gbán.

¹⁰ OKLUNỌ na to ahọludu kadadoi, yèdọ Jiwheyẹwhe towe, Hiẹ Ziọni, jẹ whẹndo lẹpo mẹ. Hallelujah.