PSALM 144 - BIBLU WIWE LỌ 1923

¹ DONANỌ wẹ OKLUNỌ awinyan ṣie ni yín, He plọ́n alọ ṣie nado fùnawhàn, Podọ alọviyẹyẹ ṣie nado hòavùn:

² Dagbewanyi ṣie, figángán ṣie; Atóhọ he yìaga ṣie, whlẹngantọ ṣie; Awòyinú ṣie, mẹhe go yẹn dotudo; Mehe zín omẹ ṣie lẹ do odọ̀ to oglọ ṣie.

³ OKLUNỌ È, etẹ́ wẹ gbẹtọ bọ hiẹdo to hiho e pọ́n? Kavi ovi gbẹtọ tọn, bọ hiẹ do to undo etọn mẹ pọ́n

⁴ Gbẹtọ taidi gbofutu de: Azán etọn lẹ taidióyẹ he juwayì.

⁵ Dó olọn towe lẹ, bo jẹte wá: Sọalọ osé lẹ, yé nasọ tiazọ̀.

⁶ De abì jẹgbonu, bo vúnvún yé: Sẹ́ ogá towe, bo gbà ye kija.

⁷ Dlẹn alọ towe tón jẹgbonu sọn aga; Tutlu mi jẹgbonu, bo whlẹn mi sọn osìn daho mẹ, Sọn alọ ojonọ lẹ tọn mẹ.

⁸ Onù mẹhetọn to oyẹ́ hódọ, Adusilọ yetọn sọ yín adusilọ lalo tọn.

⁹ Jiwheyẹwhe E, yẹn na ji ohàn yọ́yọ́ de hlan we, To asiazọ́n hànjinuokàn aonọ ji yẹn na jihàn pipa lẹ hlan wẹ te.

¹⁰ Ewọ wẹ omẹ he do whlẹngan hlan ahọlu lẹ; Mẹhe tutlu Davidi devi etọn sọn ohi awugblenamẹtọ si.

¹¹ Tutlu mi, bo sọ whlẹn mi sọn alọ ojònọ lẹ tọn mẹ, Onù mẹhetọn to ovọ́ hódọ, Adusilọ yetọn sọ yín adusilọ lalo tọn.

¹² Whenuena ovisunnu mítọn lẹ na tin, di atin he whẹ́n yìaga to ovu whenu yetọn mẹ: Podọ oviyọnnu mítọn lẹ taidi zannu lọnglọnẹnmẹ tọn lẹ, he yè pà kẹdẹdi; apajlẹ ohọ̀nmẹ de tọn;

¹³ Whenuena zínhọ mítọn lẹ yín gigọ́, bo no na onú alọpálọpa agbànhọ̀ tọn lẹpo omẹ: Bọ lẹngbọ mítọn lẹ to fọtónfọtón lẹ podọ fọtọ́n ao hẹn tón wá to danji mítọn lẹ:

¹⁴ Whenuena yè doagbànna oyin mítọn lẹ dagbedagbe; Whenuena gbigbà biọ whégbè kavi SISI jẹgbonu yì de ma tin; Bọ hukùhlu de ma sọ tin to aligbo mítọn lẹ ji.

¹⁵ Donanọ wẹ omẹ he tin to otẹn mọtọnnkọ de mẹ lẹ: Nugbo, donanọ wẹ omẹ nẹlẹ̃, Jiwheyẹwhe mẹhetọn OKLUNỌ yín.