PSALM 142 - BIBLU WIWE LỌ 1923

Maskil Davidi tọn de: odẹ̀ etọn whenu é tin to osésío mẹ.

¹ YẸN yí ogbẹ̀ ṣie do dawhá hlan OKLUNỌ; Ogbè ṣie hlan OKLUNỌ wẹ yẹn yi do vẹ̀vẹ̀

² Yẹn kọ̀n whẹgbè ṣie dai do nukọn etọn; Yẹn do tukla ṣie hia to nukọn etọn.

³ Whenuena gbigbọ ṣie kúṣiọ to ohò ṣie mẹ, whenẹnu wẹ hiẹ yòn omọji ṣie. To aliho he ji yẹn to zọnlinzin te wẹ yé domò do na mi.

⁴ Pòn adusi ṣie, bo dayi e go, omẹ he jlo na yòn mi de ma tin: Fibẹ̀tado dén mi; mẹde ma hò ayiha ṣie pọ́n.

⁵ OKLUNỌ E, yẹn dawhá hlan we; Yẹn dọmọ, Hiẹ wẹ fibẹ̀tado ṣie po mimá Sie po to aigba gbẹ̀nọ lẹ tọn ji.

⁶ Do ayi awhá ṣie go; na yè zín mi dai gbahúgbahú: Whlẹn mi sọn homẹkẹndomẹtọ ṣie lẹ si; na yé dohuhlọn hú mi.

⁷ Dè ayiha ṣie sọn gànhọ mẹ, na yẹn nido pa oyín towe: Dódonọ lẹ na lẹ́do mi pé; na hiẹ na: yí dagbewà do zọ́n hẹ mi.