PSALM 141 - BIBLU WIWE LỌ 1923

¹ OKLUNỌ È, yẹn dawhá ylọ we; yawu hlan dali ṣie: Na otọ́ hlan ogbẹ̀ ṣie, whenuena yẹn awhádo ylọ we.

² Gbọ odẹ̀ ṣie ni yin zizé dai, di nuyọnwán to nukọn towe; Podọ zizedaga alọ ṣie tọn di avọ̀ nunina ojinulili whèjai tọn.

³ OKLUNỌ E, dè hihòtọ de do nukọn onù ṣie tọn: Bọ̀ ohòn nùflo ṣie tọn do.

⁴ A dó ayiha ṣie hlan onú ylankan de; dali blo, Nado yin nuglo-deji to azọ̀n mẹylankan lẹ tọn lẹ mẹ hẹ Yé he to azọ̀n ylanwiwà tọn wà lẹ: A sọ dike yẹn dù to núvivì yetọn lẹ mẹ blo.

⁵ Gbọ dódónọ ni hò mi: dagbewanyi de wẹ é na yín: Bo sọ gbọ é ni dègbèdo mi: na taidi ami to ota na mi: A dike ota ṣie gbẹ̀ ẹ blo. Na odẹ̀ ṣie gbẹ̀ sọ tin to ylando yetọn ji,

⁶ Yè sisẹ́ whẹ̀datọ yetọn lẹ liai to awà awinyan tọn ji, Bọ yé na sè ohó ṣie lọ: na yé vivi.

⁷ Di whenuena mẹdopo to aigbajlo bo sọ to whẹ̀nzẹ, ohú mítọn lẹ gbapé oyọdò ji.

⁸ Ṣigba JIWHEYẸWHE OKLUNỌ E, nukun ṣie tin to ogo we: Hiẹ mẹ tudonu ṣie te: hiẹ kọ̀n ogbé ṣie yìngbó blo.

⁹ Whlá mi sọn omò he yé kò dote na mi mẹ, Podọ sọn ogò ylanzónwàtọ lẹ tọn mẹ.

¹⁰ Gbọ mẹylankan lẹ ní jai do odẹ̀ yetọn titi mẹ, Whenuena yẹn to ojlẹ doponẹ mẹ gbọn finẹ wáyì.