PSALM 140 - BIBLU WIWE LỌ 1923

¹ OKLUNỌ È, whlẹn mi sọn omẹ ylankan si. Whlẹn mi sọn gbẹtọ okanọ si;

² He to odanu lẹn to ayiha yetọn mẹ? Egbésọ wẹ yé to aklọ̀ndin.

³ Yé ko gàn odẹ̀ yetọn da taidi odàn; Adí amapọe tọn tin to nùflo yetọn glọ. Selah.

⁴ OKLUNỌ È, whlá mi sọn alọ mẹylankan tọn mẹ; Whlẹn mi sọn gbẹtọ okanọ si; Mẹhe ko lẹn nado tùn afọdide ṣie hlan apadopo.

⁵ Saklanọ lẹ ko domò de do nuglọ na mí, po okàn lẹ po; Yé ko tá odọ̀ de do alihotó; Yé ko do ogò na mi. Selah.

⁶ Yẹn dọ hlan OKLUNỌ, dọ, Hiẹ wẹ Jiwheyẹwhe ṣie: OKLUNỌ E, sè ogbẹ̀ ovè ṣie tọn.

⁷ JIWHEYẸWHE OKLUNỌ È, huhlọn whlẹngan ṣie tọn, Hiẹ kọ ṣinyọnnudo ota ṣie to awhànzángbẹ̀,

⁸ OKLUNỌ E, a na ojlo mẹylankan tọn ẹn blo: Gbòalina lẹndai ylankan etọn; na yé nikã zé yéde daga. Selah.

⁹ Na ota enẹlẹ̃ he lẹ́do mi lẹ tọn tọn dali; Gbọ odanu nùflo yetọn titi tọn ni ṣinyọn yé ji.

¹⁰ Gbọ akán miyọnawu ni flẹ́ jẹ yé ji: Gbọ yè ni bé yé dlẹn miyọn mẹ; Do osédò sisosiso lẹ mẹ, na yé sọ titè wága ba blo.

¹¹ Yè ma na hẹn oylandọtọ de lódo to aigba mẹ gba: Oylan wẹ na yí gbẹtọ okanọ do yanwèn nado sisé ẹ liai.

¹² Yẹn yọnẹn dọ OKLUNỌ na hẹn owhẹ̀ nukunbianọ tọn dote, Po jlọjẹ agbátọnọ lẹ tọn po.

¹³ Nugbonugbo, dódónọ lẹ na na opẹ́ hlan oyín towe: Tẹnọglinọ lẹ wẹ na nọnọ̀ nukọn towe.