PSALM 14 - BIBLU WIWE LỌ 1923

¹ OKLENỌ dọ to ayiha etọn mẹ, dọ, Jiwheyẹwhe de ma tin. Yé gble, yé to azọ́n gbigble wà, Mẹhe to dagbewà de ma tin.

² OKLUNỌ pọ́n odọ̀ sọn olọn mẹ nado pọ́n ovi gbẹtọ tọn lẹ, Nado mọ eyín mẹde tin bọ nuyọnẹn pé, Bọ é to Jiwheyẹwhe din.

³ Omẹ pó wẹ ko klán sọn ali ji, omẹ pó wẹ nọpọ lẹzun dihonọ: Mẹhe to dagbewa de ma tin.

⁴ Bé ylanzonwàtọ lẹpo ma yọnnuin? Mẹhe to omẹ ṣie lẹ dù, di mẹhe to núdù, Ye ma dawhá ylọ OKLUNỌ.

⁵ Finẹ wẹ yé to obu daho mẹ te: Na Jiwheyẹwhe tin to whẹndo dódónọ lẹ tọn mẹ.

⁶ Mìwlẹ dowinyan ohónamẹ oyanọ lẹ tọn, Na OKLUNỌ wẹ fibẹ̀tado etọn wutu.

⁷ Ṣó, whlẹngan Islaeli tọn do tọ́n sọn Ziọni wá! Whenuena OKLUNỌ hẹn mẹglọnọ omẹ etọn lẹ tọn gọ̀wá, Jakobu na jáya, Homẹ Islaeli tọn nasọ hùn.