PSALM 137 - BIBLU WIWE LỌ 1923

¹ TO otọ̀ Babilọni tọn lẹ dali, Finẹ mí sinai te, nugbo, mí viavi, Whenuena mí flin Ziọni.

² Mí zé ajalẹn mítọn lẹ pla do atin saule lẹ go to ṣẹnsen etọn mẹ.

³ Na finẹ wẹ yé he bé mí jei to mẹglọnọ mẹ lẹ biọ ohàn lẹ to mí si te; Yé he sọ hẹn mí gble lẹ biọ aihún to mí si, Dọmọ, Mì ji dopo sọn ohàn Ziọn? tọn lọ mẹ nà mí.

⁴ Nawẹ mí na ji òhàn OKLUNỌ tọn To aigba dẽvo ji do?

⁵ Eyín yẹnt wọnji ogo we, hiẹ Jelusalẹm E, Gbọ adusilọ ṣie ni wọn zinzán etọn.

⁶ Eyín yẹn ma flin we, Gbọ odó ṣie ni tẹ́ do hèko ṣie go: Eyín yẹn ma yiwanna Jelusalẹm Hú otado, ayajẹ ṣie tọn.

⁷ OKLUNỌ È, flin azán Jelusalẹm tọn To ovi Edọmi tọn lẹ ji: Mẹhe didọmọ, Họ ẹ liai, họ ẹ liai, Yèdọ jẹ odòdonu etọn ji.

⁸ Hiẹ viyọnnu Babilọni tọn, he tin nado yín hùsúdo: Donanọ ewọ na yín he suahọ we Dile hiẹ wàhẹ mí do.

⁹ Donanọ wẹ ewọ na yín he zè bo sọ yí ovi Towe lẹ whiyẹ́ osé go.