PSALM 136 - BIBLU WIWE LỌ 1923

¹ MÌ na opẹ́ hlan OKLUNỌ; na yinyọ́n wẹ ewọ: Na dagbe wanyi etọn to ote kakadoi,

² Mì na opẹ̀ hlan Jiwheyẹwhe yẹwhe lẹ tọn: Na dagbewanyi etọn to ote kakadoi.

³ Mì na opẹ̀ hlan OKLUNỌ oklunọ lẹ tọn: Na dagbewanyi etọn to ote kakadoi.

⁴ Hlan ewọ dopo akàn he nọ wà nujawu dahodaho lẹ: Na dagbewanyi etọn to ote kakadoi.

⁵ Hlan ewọ he gbọn nuyọnẹn dali da olọn lẹ: Na dagbewanyi etọn to ote kakadoi.

⁶ Hlan ewọ he dlẹn aigba do osìn lẹ ji: Na dagbewanyi etọn to ote kakadoi.

⁷ Hlan ewọ he basi hinhọ́n dahodaho lẹ: Na dagbewanyi etọn to ote kakadoi.

⁸ Owhè nado dugán to okle: Na dagbewanyi etọn to ote kakadoi.

⁹ Osùn po sunwhlẹvu le po nado dugán to ozán mẹ: Na dagbewanyi etọn to ote kakadoi.

¹⁰ Hlan ewọ he linu Egipti to plọnji yetọn lẹ mẹ: Na dagbewanyi etọn to ote kakadoi.

¹¹ Bo bé Islaeli tọ́n sọn ṣẹnsẹn yetọn: Na dagbewanyi etọn to ote kakadoi.

¹² Gbọn alọ huhlọnnọ po awà dindlẹn po mẹ: Na dagbewanyi etọn to ote kakadoi.

¹³ Hlan ewọ he má Ohù Vẹ̃ doawe: Na dagbewanyi etọn to ote kakadoi.

¹⁴ Bo hẹn Islaeli gbọn ṣẹnsẹn etọn yì: Na dagbewanyi etọn to ote kakadoi.

¹⁵ Ṣigba bo mimí Falo po awhàn etọn po dlẹn Ohù Vẹ̃ mẹ: Na dagbewanyi etọn to ote kakadoi.

¹⁶ Hlan ewọ he plan omẹ etọn lẹ gbọn zùngbo mẹ: Na dagbewanyi etọn to ote kakadoi.

¹⁷ Hlan ewọ he linu ahọlu dahodaho lẹ: Na dagbewanyi etọn to ote kakadoi.

¹⁸ Bo sọ hù ahọlu gigonọ lẹ: Na dagbewanyi etọn to ote kakadoi.

¹⁹ Sihọni ahọlu Amolitinu lẹ tọn: Na dagbewanyi etọn to ote kakadoi.

²⁰ Po Ogi ahọlu Baṣani tọn po: Na dagbewanyi etọn to ote kakadoi.

²¹ Bo yí aigba yetọn na omẹ na ogúyigba de: Na dagbewanyi etọn to ote kakadoi.

²² Yèdọ ogú-yigba de hlan Islaeli mẹdagun etọn: Na dagbewanyi etọn to ote kakadoi.

²³ Mẹhe flin mí to oyàgbé mítọn mẹ: Na dagbewanyi etọn to ote kakadoi.

²⁴ Bo sọ whlẹn mí sọn kẹ̀ntọ mítọn lẹ si: Na dagbewanyi etọn to ote kakadoi.

²⁵ Ewọ na núdùdù hlan agbasalan lẹpo: Na dagbewanyi etọn to ote kakadoi

²⁶ Mì na opẹ́ hlan Jiwheyẹwhe olọn tọn: Na dagbewanyi etọn to ote kakadoi.