PSALM 128 - BIBLU WIWE LỌ 1923

Ohàn Jeiaga lẹ tọn de.

¹ DONANỌ wẹ mẹdepope he dibusi OKLUNỌ; He zinzọnlin to aliho etọn lẹ ji.

² Na hiẹ na dù azọ́n alọ towe tọn; Donanọ wẹ hiẹ na yín, é nasọ yọ́n na we.

³ Asi towe na taidi ovẹ̃n sinsẹ́nnọ to asabó owhé towe tọn: Ovisunnu towe lẹ na taidi atin olivieli lẹ, lẹ́do tafo towe pé.

⁴ Dayi e go, dọ le wẹ dawe he dibusi OKLUNỌ Na yín donanọ do.

⁵ OKLUNỌ na dona wẹ sọn Ziọni mẹ: Hiẹ nasọ mọ dagbe Jelusalẹm tọn to azán ogbẹ́ towe tọn lẹpo mẹ.

⁶ Nugbo, hiẹ na mọ ovisunnu ovisunnu towe lẹ tọn. Jijọho ni tin to Islaeli ji.