PSALM 127 - BIBLU WIWE LỌ 1923

Ohàn Jeiaga lẹ tọn de; Sọlọmọni tọn.

¹ ADAVO OKLUNỌ dó ohò lọ, Ye he to didó e lẹ; to tuklajẹ yaya: Adavo OKLUNỌ họ́ otòdaho lọ, Hihọtọ fọ́n yayatata.

² Ovo wẹ é yín na mì nado fọ́n to afọnnufu, podọ nado gbọjẹ to ogangodo, Nado dù núdùdù tuklajijẹ tọn: Na mọwẹ é na amlọn mẹyiwanna etọn lẹ do.

³ Dayi e go, visunnu lẹ wẹ ogú OKLUNỌ tọn; Sinsẹ́n adọ̀me tọn sọ wẹ ale etọn.

⁴ Di ogá to alọ asuka de tọn mẹ; Mọ wẹ dẹpẹmevi sunnu lẹ te.

⁵ Donanọ wẹ dawe lọ he tindo ogò etọn gọ na yé: Yé ma na mọ winyan gba, Whenuena yé na pehó hẹ kẹnto yetọn lẹ to hòngbo lọ mẹ.