PSALM 122 - BIBLU WIWE LỌ 1923

Ohàn Jeiaga lẹ tọn de; Davidi tọn.

¹ YẸN yín homẹhùnnọ whenuena yé dọ hlan mi, dọ, Mì gbọ mí ni yì ohò OKLUNỌ tọn mẹ.

² Afọ mítọn ṣite to Họ̀ngbo towe lẹ ji, hiẹ Jelusalẹm È;

³ Hiẹ Jelusalẹm, He yè dó taidi otòdaho he mlin dopọ de:

⁴ Ofi he whẹndo lẹ nọ hẹji yì, whẹndo OKLUNỌ lọ tọn lẹ, Na aṣẹdai de hlan Islaeli, Nado dopọ́ hlan oyín OKLUNỌ tọn.

⁵ Na finẹ wẹ yè zé ofìn lẹ na whẹ̀dida do, Ofìn owhé Davidi tọn tọn lẹ.

⁶ Mì hodẹ́ na jijọho Jelusalẹm tọn; É na yónna yé he yiwanna we lẹ.

⁷ Jijọho ni tin to dòkọ towe lẹ mẹ, Podọ núyónna to ohọ̀nmẹ towe lẹ mẹ.

⁸ Na mẹmẹsunnu ṣie lẹ po ogbẹ́ ṣie lẹ po tọn wutu, Yẹn na dọ lò, dọ, Jijọho ni tin to ohò towẹ mẹ.

⁹ Na ohò OKLUNỌ, Jiwheyẹwhe mítọn tọn wutu. Yẹn na nọ din dagbe towe.