PSALM 120 - BIBLU WIWE LỌ 1923Ohàn Jeiàga lẹ tọn de. 1 TO awusinyẹn ṣie mẹ yẹn dawhá hlan OKLUNỌ, é sọ siọ mi. 2 OKLUNỌ E, whlẹn ayiha ṣie sọn onùflo lalodìdo tọn si, Podọ sọn odé oklọ tọn si. 3 Etẹ́ yè na na hlan we? kavi etẹ́ na sọ wà hlan we, Hiẹ odẹ́ oklọ tọn? 4 Ogá dida hlọnhlọnnọ lọ tọn, Po akán atinjunipẹli tọn lẹ po 5 Mẹdindọn wẹ yẹn; bọ yẹn wáwasi to Mẹṣẹki mẹ, Bọ yẹn sọ tin to ogohò Kedali tọn lẹ ṣẹnsẹn. 6 Ayiha ṣie ko tindo fìninó etọn dindẹn Hẹ yé he gbẹwanna jijọho. 7 Jijọho wẹ yẹn tin na: Ṣigba whenuena yẹn dọhó, avùn wẹ yewlẹ tin nà. |
Holy Bible in Gun-Alada © Bible Society of Benin and Bible Society of Nigeria, 1923.
Bible Society of Nigeria