PSALM 12 - BIBLU WIWE LỌ 1923

¹ WHLẸN mi, OKLUNỌ; na jijọdijiwheyẹwhenọ lẹ ko klọnyì, Nugbonọ lẹ ko klọnyì sọn ovi gbẹtọ lẹ tọn mẹ.

² Yé omẹ dopodopo wẹ to ovọ́ dọ hẹ kọmẹnu etọn; Nùflo vivi po ayiha awe po wẹ yé do to didọ.

³ OKLUNỌ na sán nùflo vivi lẹpo sẹ́, Podọ odẹ́ he to ohó gbõgbo dọ lẹ:

⁴ Mẹhe dọmọ, Odẹ́ mítọn wẹ mí na do gbawhàn; Nùflo mítọn wẹ mítọn: mẹnu wẹ OKLUNỌ to mí ji?

⁵ Na gbigbàdo oyanọ lẹ tọn, na winwẹn agbátọnọ lẹ tọn wutu, OKLUNỌ dọmọ, Lò wẹ yẹn na tite; Yẹn na dè e do gingán tẹnmẹ mẹhe ji yé to kikla do.

⁶ Ohó OKLUNỌ tọn, ohó wéwé wẹ, Di fataka he yè kón sọn okózo mẹ, He yè kọ̀n whla ṣinawe.

⁷ Hiẹ na whlá yé, OKLUNỌ E, Hiẹ nasọ hẹ́ yé sọn alọ whẹndo he tọn mẹ kakadoi.

⁸ Mẹylankan lẹ to zọnlinzìn to awà popo ji, Whenuena yè to númadinú zédaga to ovi gbẹtọ lẹ tọn ṣẹnṣẹn.