PSALM 114 - BIBLU WIWE LỌ 1923

¹ WHENUENA Islaeli jẹgbonu yì sọn Egipti, Owhé Jakobu tọn sọn gbẹtọ ogbẹ̀ dẽvo tọn de mẹ;

² Juda lẹzùn fiwiwe etọn, Islaeli ahọludutẹn etọn.

³ Ohù mọ ẹn, bo hòn; Yè yàn Jọdani yìgodo.

⁴ Osó lẹ to linlọn taidi agbò, Okọta pẹvipẹvi lẹ taidi lẹngbọvu lẹ.

⁵ Etẹ wẹ wà we, hiẹ ohù, bọ hiẹ do sí? Hiẹ Jọdani, bọ yè do yàn we yìgodo?

⁶ Mì osé lọ, bọ mì to linlọn taidi agbò; Mì okọta pẹvipẹvi lẹ, taidi lẹngbọvu?

⁷ Hiẹ aigba, sisọ, to nukọn OKLUNỌ tọn, To nukọn Jiwheyẹwhe Jakobu tọn tọn:

⁸ He diọ osé zùn otándo osìn tọn de, Podọ okẹ́n zùn osisanuvo osìn lẹ tọn de.