PSALM 112 - BIBLU WIWE LỌ 1923

¹ HALLELUJAH. Donanọ we omẹ he dibusi OKLUNỌ, He tindo homẹhùnhùn daho to gbèdide etọn lẹ mẹ.

² Okún etọn na yín hlọnhlọnnọ to aigba ji: Whẹndo tenọglinọ tọn wẹ na yín donanọ.

³ Yẹyi po adọkun po na tin to owhé etọn gbè: Dódó etọn to ote kakadoi.

⁴ Hinhọ́n na fọ́n to zinvlu, mẹ hlan tenọglinọ: Dagbenọ wẹ ewọ, lẹblanunọ, dodonọ wẹ.

⁵ Dagbe wẹ é yín to omẹ he nọ yí homẹdagbe do zánhẹmẹ; E na hẹn ali etọn nọte to whẹ̀dida mẹ.

⁶ Na yè ma na hẹn ẹn sẹ̀tẹn gbède: Dódónọ na tin to oflin madopodo mẹ.

⁷ Obu owẹ́n ylankan tọn ma na di i: Yè hẹn ayiha etọn lódo, é dotudo OKLUNỌ go.

⁸ Ayiha etọn hẹnai, obu ma na di i, Kaka é nado mọ ojlo etọn tọ mẹglatọ etọn lẹ ji.

⁹ É ko vúnvún, é ko na hlan agbatọnọ lẹ; Dódó etọn to ote kakadoi; Yè na yí yẹyi do zé azò etọn daga.

¹⁰ Mẹylankan na mọ ẹn, adi na do e, E na duadukúnkún, bo sọ yé kọ̀nyingbe: Ojlo mẹylankan lẹ tọn na súdo.