PSALM 111 - BIBLU WIWE LỌ 1923

¹ HALLELUJAH. Yẹn na yí ayiha ṣie lẹpo pete do dopé na OKLUNỌ, To oplitò tenọglinọ lẹ tọn mẹ, podọ to agùn gbẹtọ lẹ tọn mẹ.

² Kiklo wẹ azọ́n OKLUNỌ tọn lẹ, Nudinmọ to yé he tindo homẹhùnhùn to yé mẹ lẹ de.

³ Yẹyi po gigodaho po wẹ azọn etọn: Dódó etọn sọ to ote kakadoi

⁴ E ko basi oflinnú de na azọn jawujawu etọn lẹ; Dagbenọ, lẹblanunọ wẹ OKLUNỌ.

⁵ É na nudùdù hlan omẹ he dibusi i le; E ma na wọnji alẹ́nu etọn go gbede.

⁶ E ko do huhlọn azọ́n etọn lẹ tọn hia omẹ etọn lẹ, Na é nido yi ogú-yigba akọta lẹ ton na yé.

⁷ Nugbo po whẹ̀dida po wẹ azọ́n alọ etọn mẹ tọn lẹ; Nugbo wẹ ogbèdai etọn lẹpo.

⁸ Yè hẹn yé lódo kakadoi, Nugbo po tenọgligli po mẹ wẹ yè, basi yé.

⁹ Ẹ do ofligò hlan omẹ etọn lẹ: E ko degbè alẹ́nu etọn tọn kakadoi: Wiwe podọ núsísí wẹ oyín etọn.

¹⁰ Dodó nuyọnẹn tọn wẹ osí OKLUNỌ tọn: Omẹ he to osẹ́n etọn yin lẹ wẹ omẹ he tindo yinyọnẹn dagbe. Pipa etọn to ote kakadoi.