PSALM 110 - BIBLU WIWE LỌ 1923

¹ OKLUNỌ dọ hlan Oklunọ ṣie, dọ, Hiẹ sinai to adusilọ ṣie mẹ, Kakà yẹn na yi kẹ̀ntọ towe lẹ do basi tokloafọligbe towe.

² OKLUNỌ na yí opò huhlọn towe tọn hlan sọn Ziọni: Hiẹ ni to ahọludu to ṣẹnṣẹn kẹ̀ntọ towe lẹ tọn.

³ Gbẹtọ towe lẹ na yín ojlonọ to azán huhlọn towe tọn gbè; To whanpẹ owàlọwiwe tọn mẹ, sọn adò afọnnufu tọn mẹ; Hiẹ tindo ahún ovu whenu towe tọn.

⁴ OKLUNỌ ko whlé, é ma na diọ linlẹn, Hiẹ wẹ yẹwheno de kakadoi kẹdẹdi Ohukan Mẹlkisedẹki tọn.

⁵ To adusilọ towe mẹ wẹ́ Oklunọ na gbà ahọlu lẹ hanyan gbọn to, azán homẹgble etọn tọn gbè.

⁶ É na dawhẹ́ to akọta lẹ ṣẹnsẹn, É na yí osiọ do gọ otẹn nẹlẹ mẹ; É na gbà hányán gbọn ota mẹ to otọ̀ susu mẹ.

⁷ Ewọ na nù sọn asisawhín lọ mẹ to aliho: Enẹwutu wẹ ewọ na zé ota daga.