PSALM 106 - BIBLU WIWE LỌ 1923

¹ HALLELUJAH. Mì na opẹ́ hlan OKLUNỌ; na yínyón wẹ ewọ; Na dagbewanyi etọn to ote kakadoi.

² Mẹnu wẹ sọgan dọ owalọ daho OKLUNỌ tọn lẹ, Kavi do pipa eton lẹpo hia?

³ Donanọ wẹ omẹ he yìn whẹ̀dida lẹ, Podọ ewọ he wà dódó to ojlẹ lẹpo mẹ.

⁴ OKLUNỌ E, yí nukundagbe he hiẹ do hlan gbẹtọ towe lọ do flin mi; Yí whlẹngan towe do dla mi pọ́n.

⁵ Na yẹn nido mọ dagbe mẹdidè towe lẹ tọn, Na yẹn nido jaya to homẹhùnhùn akọta towe tọn mẹ, Na yẹn nido doawagun po mẹdodugu towe lẹ po.

⁶ Mí ko wàylando po otọ́ mítọn lẹ po, Mi ko wàdanu, mí ko wà ylankan.

⁷ Otọ́ mítọn lẹ ma lẹn nujawu towe lẹ pọ́n to Egipti gba; Yé ma flin dagbewanyi towe gégé Ṣigba yé zùn atẹsitọ to ohùtó, yèdọ to Ohù Vẹ̃ tó.

⁸ Gànsọ é whlẹn yé na oyín etọn tọn wutu, Na é nido hẹn huhlọn etọn daho zùn yinyọnẹn.

⁹ E wọhẹ Ohù. Vẹ̃ ga, é sọ hú: Mọ é plan yé gbọn odọ̀ mẹ, taidi gbọn ozùngbo mẹ.

¹⁰ E whlẹn yé sọn omẹ he gbẹwanna yé lẹ si, Bo sọ fli yé sọn alọ kẹ̀ntọ lọ tọn mẹ.

¹¹ Osìn ṣinyọn mẹglatọ yetọn lẹ ji: Dopo yetọn ma pò.

¹² Whenẹnu wẹ yé yí ohó etọn sè; Yé jihàn pipa etọn.

¹³ Plaun wẹ yé wọn azọ́n etọn lẹ; Yé ma nọtepọ́n ohónamẹ etọn:

¹⁴ Ṣigba yé wàn do nujijloji to ozùngbo mẹ glanglan; Bo sọ whle Jiwheyẹwhe pọ́n to figbọ̀gbé lọ mẹ.

¹⁵ E na nubibiọ yetọn yé; Ṣigba bo do liwhanhúhú hlan ayiha yetọn mẹ.

¹⁶ Moṣe nuvẹun na yé: ga to ọsla mẹ Po Aalọn mẹwiwe OKLUNỌ tọn po.

¹⁷ Aigba kẹnu bo mì Datani, Bo sọ ṣinyọn ogbé: Abilami tọn lẹ ji.

¹⁸ Yè pla miyọn de do ogbé yetọn mẹ; Miyọnlọ jimiyọn do mẹylankan lẹ ji.

¹⁹ Yé basi oyínvu to Holẹbi mẹ, Bo sọ to boṣiọ kinkọ̀n sẹ̀n.

²⁰ Le wẹ yé diọ gigo yetọn Na apajlẹ oyín he nọ dù ogbé tọn.

²¹ Yé wọn Jiwheyẹwhe whlẹngantọ yetọn, He wà onú dahodaho lẹ to Egipti;

²² Azón jawu lẹ to aigba Ham tọn ji, Podọ onu dobu lẹ to Ohù Vẹ̃ kọ̀n.

²³ Enẹwutu wẹ é dọ dọmọ, emi na hù yé súdo, Eyín Moṣe mẹdidè etọn ma ko ṣite to nukọn etọn to fìkẹ̀whẹ lọ, Nado lẹ́kọ̀ na adanjijẹ zogbe etọn, na é nikã hù yé súdo.

²⁴ Nugbo, yé vlẹ aigba awuvivi tọn lọ, Yé ma yí ohó etọn sè:

²⁵ Ṣigba yé hlun to gohọ̀ yetọn lẹ mẹ, Bo ma sọ dotóai do ogbẹ̀ OKLUNỌ tọn go gba.

²⁶ Enẹwutu é sàkunnu dokò na yé, Dọ é na sisẹ́ yé dlan to ozùngbo mẹ.

²⁷ Podọ é na sisé okún yetọn lẹ dlan to akọta lẹ ṣẹnsẹn ga, Bo vúnvún yé to aigba lẹ lọ ji.

²⁸ Yé hò yéde hú Baali Peọli ji ga, Bo sọ to avọ́ oṣiọ lẹ tọn dù.

²⁹ Le wẹ yé yí nubasibasi yetọn lẹ do gblehomẹ nẹ̃ do: Azònylankan lọ sọ gbà biọ homẹ do yé ji.

³⁰ Whenẹnu wẹ Finehasi ṣite bo yi whẹ̀dida basi: Mọwẹ azònylankan lọ sọ doalọte.

³¹ Yé sọ hia enẹ hlan ẹn na dódó jẹ Whẹndo lẹpo mẹ kakadoidoi.

³² Yé doadihomẹ nẹ̃ ga to osìn Mẹliba tọn kọ̀n, Sọmọ bọ é ylan na Moṣe na yetọn wutu:

³³ Na yé ṣiatẹ hẹ gbigbọ etọn wutu, Sọmọ bọ ewọ yí onù etọn do dọhó hlo tọn.

³⁴ Yé ma hù akọta lẹ súdo gba, Dile Jiwheyẹwhe degbèna yé do:

³⁵ Ṣigba hẹn yéde kọ̀ndopọ po kosi lẹ po, Bo sọ plọ́n azọ́n yetọn lọ.

³⁶ Yé to bosiọ yetọn lẹ sẹ̀n: Ehe zùn omọ̀ hlan yé.

³⁷ Nugbo, yé yí o visunnu yetọn lẹpo oviyọnnu yetọn lẹ po do sánvọ́ hlan aovi lẹ,

³⁸ Bo sọ kọ̀n ohùn homẹvọnọ dai, yèdọ ohùn ovi yetọn sunnu lẹ tọn po ovi yetọn yọnnù lẹ tọn po, He yé yí do sánvọ́ hlan bosiọ Kanani tọn lẹ: Yè sọ yí ohùn do hẹn aigba lọ flu.

³⁹ Le wẹ yé yi azọ́n yetọn lẹ do hẹn yéde zùn mawé de do, Bo sọ to yìyì to ayọdide mẹ to nubasibasi yetọn lẹ mẹ.

⁴⁰ Enẹwutu wẹ homẹgble OKLUNỌ tọn kẹ̀un do omẹ etọn lẹ ji; Bọ é gbẹwanna mẹdodugu etọn lẹ.

⁴¹ E sọ jo yé do alọ akọta lẹ lọ tọn mẹ; Yé he gbẹwanna yé lẹ sọ dugan do yé ji.

⁴² Kẹntọ yetọn lẹ bianukunna yé ga, Yè sọ hòhùwhẹ yé to alọ yetọn glọ.

⁴³ Whla susu wẹ é whlẹn yé; Gãnṣo yé yín atẹṣitọ to ohónamẹ yetọn mẹ, Yè sọ whiwhẹ yé dai to ylando yetọn mẹ.

⁴⁴ Gãnṣo é yí nukunbibia yetọn lẹnpọ́n, Whenuena é sè awhágbè yetọn:

⁴⁵ E flin alènu etọn na yé, Bo sọ diọ linlẹn kẹdẹdi gégé dagbewanyi etọn lẹ tọn.

⁴⁶ É basi na omẹ he bé ye Jei to mẹglọnọ mẹ lẹ nado blawuna yé.

⁴⁷ OKLUNỌ È, Jiwheyẹwhe mítọn, whlẹn mí, Bo sinyan mi sọn akọta lẹ mẹ Nado na opẹ́ hlan oyín wiwe towe, Podọ nado doawagun to pipa towe mẹ.

⁴⁸ Donanọ wẹ OKLUNỌ, Jiwheyẹwhe Islaeli tọn, Sọn madopodo yèdọ jẹ madopodo: MÌ sọ gbọ gbẹtọ lẹ ni dọ. Niṣẹ. Hallelujah.