PSALM 105 - BIBLU WIWE LỌ 1923

¹ MI na opó hlan OKLUNỌ; mì dawhá ylọ oyín etọn: Mì hẹn owalọ etọn zùn yinyọnẹn to gbẹtọ lẹ ṣẹnsẹn.

² Mì jihàn hlan ẹn, mì ji ohàn pipa lẹ hlan ẹn: Mì donu azọ́n jawu etọn lẹ mẹ pọ́n.

³ Mì doawagun to oyín wiwe etọn me: Mì gbọ ayiha yé he to OKLUNỌ din lẹ tọn ni jaya.

⁴ Mì din OKLUNỌ po huhlọn etọn po; Mì nọ din nukunmẹ etọn whepoponu.

⁵ Mì nọ flin azọ́n jawu etọn he é ko wà lẹ; Nujawu etọn lẹ, po whẹ̀dida onù etọn mẹ tọn lẹ po;

⁶ Mì okún Ablaham devi etọn tọn lẹ, Mì ovi Jakobu tọn lẹ, mì mẹdidè etọn lẹ.

⁷ Ewọ wẹ OKLUNỌ Jiwheyẹwhe mítọn: Whẹ̀dida etọn tin to aigba lẹpo ji.

⁸ E flin alènu etọn kakadoi, Ohó he é degbèna hlan whẹndo fọtọ́n de;

⁹ Alẹ̀nu he é basi hẹ Ablaham, Podọ whiwhle etọn hlan Isaki:

¹⁰ Bo sọ hẹn ẹn dote hlan Jakobu na osóndoai de, Podọ hlan Islaeli na alẹ́nu madopodo de:

¹¹ Dọmọ, Hiẹ wẹ yẹn na yí aigba Kanani tọn na, Enẹ wẹ, Mì pa OKLUNỌ. Mimá ogúyigba towe tọn:

¹² Whenuena é yin omẹ vude wẹ yé to sọha mẹ: Nugbo, vude talala, bo sọ yin wásinu to e mẹ.

¹³ Yé to yìyì sọn akọta de mẹ jẹ akọta de mẹ, Sọn ahọludu de mẹ jẹ gbẹtọ dẽvo, lẹ de.

¹⁴ E ma dike omẹ de bianukunna yé: Nugbo, é wọhẹ ahọlu lẹ na yetọn wutu;

¹⁵ Dọmọ, Mì doalọ mẹyiamisisadode ṣie go blo, Mì sọ wàdanu de do yẹwhegán ṣie lẹ go blo.

¹⁶ E ylọ hùvẹ́ wá aigba lọ ji: É wẹ́n opò núdùdù tọn.

¹⁷ E do omẹ de hlan nukọn yetọn; Yè sà Josẹfu do devigbénu;

¹⁸ Yè yí afọgàn do gbleawuna afọ etọn i Yè sín in do ogàn mẹ:

¹⁹ Kaka jẹ ojlẹ he mẹ ohó etọn di: Ohó OKLUNỌ tọn whle e pọ́n.

²⁰ Ahọlu do omẹ hlan yì dè e; Yèdọ otògán gbẹtọ lẹ tọn, bo sọ gbọ, é ni yì tata.

²¹ E yí i do basi OKLUNỌ owhé etọn tọn, Podọ ogán nutindo etọn lẹ tọn:

²² Nado nọ bla ahọvi etọn lẹ to awuvivi etọn mẹ; Bo sọ plọ́n nuyọnẹn otòhódọtọ etọn lẹ.

²³ Islaeli wá Egipti ga: Jakobu sọ wáwáṣi to aigba Ham tọn ji.

²⁴ Bo hẹn omẹ etọn lẹ zùn sinsẹ́nnọ badabada; Bo hẹn yé dohuhlọn hú kẹ̀ntọ yetọn lẹ.

²⁵ E lẹ́ ayiha etọn nado gbẹwanna omẹ etọn lẹ, Nado wànujagó hẹ devi etọn lẹ.

²⁶ E do Moṣe devi etọn hlan: Po Aalọn mẹhe é dè po.

²⁷ Yé zé ohia etọn lẹ do ṣẹnsẹn yetọn, Podọ nujawu lẹ do aigba Ham tọn ji.

²⁸ E do zinvlu hlan, bo hẹn ẹn dozinvlu; Yé ma sọ ṣiatẹ hẹ ohó etọn lẹ.

²⁹ E diọ osìn yetọn zùn ohùn, Bo hù whevi yetọn lẹ,

³⁰ Aigba yetọn to sisawẹ́n na besé lẹ, To abo ahọlu yetọn lẹ tọn mẹ.

³¹ É dọhó, alọ supò lẹ tọn lẹ wá, Podọ ojó to agboji yetọn lẹ me.

³² É na kẹnsu yé na jikun yetọn, Po miyọnlọ po to aigba yetọn ji.

³³ E linu ovẹ̃ntin yetọn ga po ovotin yetọn lẹ po; Bo sọ wén atin agboji yetọn tọn lẹ.

³⁴ E dọhó, owẹ́n wá, Po obò lẹ po, matin sọha.

³⁵ Bo dù omá lẹpo to aigba yetọn ji; Bo sọ dù sinsẹ́n aigba yetọn tọn

³⁶ E linu plọnji lẹpo to aigba yetọn ji ga, Mẹgángán huhlọn yetọn tọn lẹpo.

³⁷ E hẹn yé jẹgbonu po fataka po po sika po: Ahlidatọ dopo ma tin to whẹndo yetọn lẹ mẹ

³⁸ Homẹ Egipti tọn hùn whenuena yé yì: Na obu yetọn ko jẹ yé ji.

³⁹ E dlẹn aslọ de na yẹhẹ; Podọ miyọn nado na hinhọ́n to ozán mẹ.

⁴⁰ Yé biọ, é hẹn ohó kueli lẹ wá, Bo sọ yí núdùdù olọn tọn do pékòna yé.

⁴¹ E hùn osé, osìn túntún jẹgbonu; Yé sisà to aigba húhú ji taidi otọ̀.

⁴² Na é flin ohó wiwe etọn, Po Ablaham devi etọn po.

⁴³ E hẹn omẹ etọn lẹ jẹgbonu po ayajẹ po, Mẹdidè etọn lẹ po hàngbè po:

⁴⁴ Bo yi aigba kosi lẹ tọn na yé: Yé sọ yí azọ́n gbẹtọ lẹ tọn to nutindo mẹ;

⁴⁵ Na yé nido nọ doayi osẹ́ndoai etọn go, Bo yìn osẹ́n etọn lẹ. Hallelujah.