PSALM 101 - BIBLU WIWE LỌ 1923

¹ YẸN na jihàn dagbewanyi po whẹ́dida po tọn: Hlan hiẹ wẹ yẹn na jihàn pipa tọn, OKLUNỌ È

² Yẹn na yí nuyọnẹn do zinzọnlin to aliho pipé ji, Whetẹnu wẹ hiẹ na wá dẽ? Yẹn na yí ayiha pipé do zinzọnlin to otògùn ṣie mẹ.

³ Yẹn ma na yí onú ylanylan de do nukọn nukun ṣie tọn Yẹn gbẹwanna azọ́n omẹ he klán lẹ tọn; É ma na tẹ́ do ogo e gba.

⁴ Ayiha tasinẹn tọn na yì sọn dẽ: Yẹn ma na yón onú ylankan de.

⁵ Mẹdepope he dọmẹgodohó kọmẹnu etọn tọn to nuglọ, wẹ yẹn na hùsúdo: Omẹ he sọ tindo nukunsú po ayiha sakla tọn po yẹn ma na pòdote.

⁶ Nukun ṣie na tin to nugbonọ aigba lọ tọn lẹ go, na yé nido nọnọ́ hẹ mi: Ewọ he to zọnlinzin to aliho pipé mẹ, ewọ wẹ na sẹ̀n mi.

⁷ Ewọ he to azọ́n oklọ tọn wà ma na nó owhé ṣie gbè gba: Ewọ he nọ dolalo ma na yín hẹnlódo to nukọn ṣie gba.

⁸ Afọnnu afọnnu yẹn na nọ hù mẹylankan aigba lọ tọn lẹ súdo; Na yẹn nido sán omẹ he nọ wà onú gbigble lẹpo sẹ̀ sọn otòdaho OKLUNỌ tọn mẹ.