PSALM 1 - BIBLU WIWE LỌ 1923

OWÉ 1.

¹ DONANỌ wẹ omẹ he ma zinzọnlin to ohónamẹ mẹylankan lẹ tọn mẹ, Bo ma ṣite to ali ylanwàtọ lẹ tọn ji, Bo ma sọ sinai to otẹn mẹvlẹtọ lẹ tọn mẹ.

² Ṣigba homẹhùnhùn etọn tin to osẹ́n OKLUNỌ tọn mẹ; Podọ osẹ́n etọn mẹ wẹ é nọ ayihamẹlẹnpón te to okle po ozán po.

³ E na di atin he yè hòndo do asisa osìn tọn tó, He to sinsẹ́n etọn sẹ́n to ojlẹ etọn mẹ; Àmà etọn ga ma na yọ́; Nudepope é to wiwà na doale.

⁴ Mẹylankan lẹ ma to mọ gba: Ṣigba yé taidi nuyọ he jẹhọn to fúfú,

⁵ Enẹwutu mẹylankan lẹ ma na nọte to whẹ̀dida whenu, Kavi ylanwàtọ to agùn dodónọ le tọn mẹ.

⁶ Na OKLUNỌ yón ali dódónọ lẹ tọn: Ṣigba ali mẹylankan lẹ tọn na súdo.