OSỌHIA 7 - BIBLU WIWE LỌ 1923

¹ TO ehe godo, yẹn sọ mọ angeli ẹnẹ site to gosu ẹnẹ aigba tọn le ji, yé sọ hẹn jẹhọn ẹnẹ aigba tọn lẹ go na jẹhọn nikã yìn do aigba go, kavi do ohù mẹ, kavi do atin depope go.

² Yẹn sọ mọ angẹli devo de tọ́n sọn whèzizẹ dali ja, é tindo hiadonu Jiwheyẹwhe ogbènọ lọ tọn to alọ mẹ: é sọ dawhá to ogbè lélé mẹ hlan angẹli ẹnẹ lẹ, he yè na nado gbleawuna aigba lọ po ohù po,

³ dọmọ, Hiẹ gbleawuna aigba, kavi ohù, kavi atin lẹ blo, kaka mi nado yi hiadọnu do dohia ogo na mẹmẹglọ Jiwheyẹwhe mítọn tọn lẹ to nukọn yẹtọn

⁴ Yen sọ sè sọha yé he yè yí hiadonu do dohia ogo na lẹ tọn: yé he yè dohia ogo na lẹ yín fọtọ́n kantọ́nkonukunẹnẹ sọn whẹndo ovi Islaeli tọn lẹpo mẹ.

⁵ Sọn whẹndo Juda tọn mẹ yè yí hiadonu do dohia fòfò ṣidopo. Sọn whẹndo Lubẹni tọn mẹ yè yí hiadonu do dohia fòfò ṣidopo Sọn whẹndo Gadi tọn mẹ yè yí hiadonu do dohia fòfò ṣidopo.

⁶ Sọn whẹndo Aṣeli tọn me, yè yí hiadonu do dohia fòfò ṣidopo. Sọn whẹndo Naftalì tọn mẹ, yè yí hiadonu do dohia fòfò ṣidopo. Sọn whẹndo Manasse tọn mẹ, yè yí hiadonu do dohia fòfò ṣidopo.

⁷ Sọn whẹndo Simeọni tọn mẹ, yè yí hiadonu do dohia fòfò ṣidopo. Sọn whẹndo Levi tọn mẹ, yè yí hiadonu do dohia fòfò ṣidopo. Sọn whẹndo Isakali tọn mẹ, yè yí hiadonu do dohia fòfò ṣidopo.

⁸ Sọn whẹndo Zabuluni tọn mẹ, yè yí hiadonu do dohia fòfò ṣidopo. Sọn whẹndo Josẹfu tọn mẹ, yè yí hiadonu do dohia fòfò ṣidopo Sọn whẹndo Bẹnjamini tọn mẹ, yè yí hiadonu do dohia fòfò ṣidopo.

⁹ To onú helẹ godo yẹn pọ́n, do ayi e go, gbẹtọ susugege, he mẹdepope ma sọgan hia, sọn akọta lẹpo mẹ, sọn ohẹnnu lẹpo mẹ, sọn gbẹtọ lẹpo mẹ, podọ sọn ogbè lẹpo mẹ, site to ofìn lọ nukọn podọ to Lẹngbọvu lọ nukọn, yè do asóvò wéwé na yé, odéma sọ tin to alọ yetọn mẹ;

¹⁰ yé sọ to awhádo ogbè lélé, dọmo, Whlẹngan hlan Jiwheyẹwhe mítọn he sinai to ofìn lọ ji, podọ hlan Lẹngbọvu lo.

¹¹ Angẹli lẹpo sọ site lédo ofìn lọ pé, lédo meho lẹ lọ pó, podọ lédo medida ẹnẹ lẹ lọ pé bo jẹklo to ofìn lọ nukọn bo sinyon nukunmẹ do, bo litaina Jiwheyẹwhe,

¹² dọmọ, Niṣẹ: Dona, po gigo po, nuyọnẹn po opé po, yẹyi, huhlọn, po hlọnhlọn po ni tin hlan Jiwheyẹwhe mítọn kakadoi. Niṣẹ.

¹³ Dopo to meho lẹ lọ mẹ sọ gblọn dọ hlan mi dọ, Mẹnu wẹ ehe yè do asóvò wéwé na helẹ? fie wẹ yé sọ tọ́n sọn wá?

¹⁴ Yẹn sọ dọ hlan ẹn, dọ, Mẹdaho, hiẹ wẹ yọnẹn. E sọ dọ hlan mi, dọ, Ehelẹ wẹ yé he tọ́n SỌN nukunbibia daho mẹ, bo yàn aṣovò yetọn bo sọ hẹn yé zùn wewé to ohùn Lẹngbọvu lọ tọn mẹ.

¹⁵ Enẹwutu wẹ yé do tin to ofìn Jiwheyẹwhe tọn lọ nukọn, bo sọ to sinsón ẹn to okle po ozán po to tẹmpli etọn mẹ: podọ ewọ he sinai to ofìn ji nasọ dlẹn ogohò etọn do yé ji.

¹⁶ Huvẹ ma na hù yé ba, mọ ovẹ́ ma na hú yé ba; mọ owhè ma na vé do yé ji ba, kavi yózo depope.

¹⁷ Na Lẹngbọvu lọ he tin to ofìn ṣẹnṣẹn na yín lẹngbọhọtọ yetọn, bo nasọ nọ plan yé jẹ fie asisa osìn ogbè tọn lẹ te: Jiwheyẹwhe nasọ súnsún dasìn lẹpo sè sọn nukun yetọn lẹ mẹ.