OHÀN SỌLỌMỌNI TỌN 8 - BIBLU WIWE LỌ 1923

¹ HIẸ do sọgan taidi nọvisunnu na mi, He nọ́ anọ́ onọ ṣie tọn! Yẹn do mọ we to gbonu yẹn do donùnugona we; Nugbo, yè ma do yí mi do yìnaslan gba.

² Yẹn do doalihohia we, yẹn do hẹn we wá ohò onọ ṣie tọn mẹ, Hiẹ do plọ́n mi: Yẹn do hẹn we nù sọn ovẹ̃n owán vivinọ mẹ, Po osìn sinsẹ́n glanadi tọn po.

³ Amìyọnlọ etọn do tin to oglọ ota ṣie tọn, Adusilọ etọn do dòn mi do ogo.

⁴ Yẹn dègbèna mì, mì viyọnnu Jelusalẹm tọn emì, Dọ mì doadán mẹyiwanna ṣie blo, mì sọ fọ́n ẹn blo, Kaka ewọ lọsu na do jlo.

⁵ Mẹnu wẹ ehe hẹji sọn zùngbomẹ ja he, He zènmẹ mẹyiwanna etọn? Yẹn fọ́n we dote to atin sinsẹ́nnọ glọ: Finẹ wẹ onọ towe ji we do, Finẹ wẹ ewọ he ji we ji we do.

⁶ Zé mi do otùnu di ohia de, di ohia de to awa towe go: Na owanyi dohuhlọn di okú; Awuwhan sọ sinyẹn di yọ̀do; Jiji etọn taidi akán tọn, He tindo mìyọnlọ sinsinyẹn OKLUNỌ lọ tọn.

⁷ Susu osìn tọn ma sọgan ṣimìyọn owanyi tọn, Mọ gigọ otọ̀ tọn ma sọgan plọ ẹ sọ yì Eyín gbẹtọ dojlo yí agbàn owhé etọn gbè tọn lẹpo na owanyi, E na yín nuvivlẹ gbidigbidi.

⁸ Milẹ tindo nọviyọnnu pẹvi de, E ma tindo anọ́: Etẹ wẹ mi na wa na nọviyọnnu Mítọn gbẽgbe yè na dọhó etọn?

⁹ Eyín ewọ yín adó de, Milẹ na gbá ahọluwhé fataka tọn de do e ji? Eyín ewọ sọ yín hòntonu de, Mí na yí owhlẹ Kẹdali tọn do sú i.

¹⁰ Adó de wẹ yẹn, anọ́ ṣie sọ taidi atọhọ: Whenẹnu to nukun etọn mẹ yẹn taidi omẹ he mọ jijọho.

¹¹ Sọlọmọni tindo vẹ̃ngle de to Baal-hamọni; E yí vẹ̃ngle lọ do dopakana nuhọtọ lẹ; Omẹ dopodopo wẹ do na hẹn fataka fọtọ́n dopo wá na sinsẹ́n etọn dopo.

¹² Vẹ̃ngle ṣie he yín ṣie, é tin to nukọn ṣie: Hiẹ Sọlọmọni na tindo fọtọ́n lọ, Yé he to sinsẹ́n họ́ lẹ na tindo fòde.

¹³ Hiẹ he nọ nọ̀ opá mẹ, Ogbọ́ towe lẹ tùntóai hlan ogbè towe: Hẹn mi sè e ga.

¹⁴ Yawu, mẹyiwanna ṣie, Na hiẹ ni taidi owhín asi kavi Agbanlin pẹvi to osé owánvivinọ ji.