OHÀN SỌLỌMỌNI TỌN 6 - BIBLU WIWE LỌ 1923

¹ FIE mẹyiwanna towe yì, Hiẹ whanpẹnọ hugán to yọnnu lẹ mẹ? Fie wẹ mẹyiwanna towe klán gbọn? Na mi nido din in hẹ we.

² Mẹyiwanna ṣie jẹte yì opá etọn mẹ, yì owhẹn nuwhẹnkún tọn kọn, Nado to dudlu to opá mẹ, podọ nado gbẹn vòvó lĩ tọn.

³ Mẹyiwanna ṣie tọn wẹ yẹn, mẹyiwanna ṣie sọ wẹ ṣie: É to dudlu to lĩ lẹ ṣẹnṣẹn

⁴ Mẹyiwanna ṣie, hiẹ disán di Talsa, Whanpẹnọ di Jelusalẹm, Osinọ di awhàn de po asia lẹ po.

⁵ Dè nukun towe sọn ogo e, Na ye ṣinyọn ojie: Oda towe sọ di bédopọ gbọgbọẹ tọn He mlọnai to Giieadi.

⁶ Adú towe taidi bédopọ lẹngbọ tọn He hẹji sọn awulẹtẹn ja, He dopodopo yetọn tindo aweawe adọdopomẹ tọn, Depope ma sọ jọwẹ̀nsinọ to yé mẹ.

⁷ Di kikẹ̀ glanadi sinsẹ́n de tọn wẹ alaka towe te To nukunṣinyọnnu towe glọ.

⁸ Ahọsi kandeko wẹ tin, yọnnu họ́ntọn kanwe, Awhli madohihia.

⁹ Dopo wẹ owhle ṣie, madoapagonọ ṣie; Ewọ dopo wẹ onọ etọn tọn, Ewọ wẹ mẹvivẹ ewọ he ji i tọn. Yópọyọnnu lẹ mọ ẹn, bo sọ dona ẹn: Yèdọ ahọsi lẹ po yọnnu họ́ntọn lẹ po, yé sọ pa ẹ.

¹⁰ Mẹnu wẹ ewọ he to nupón hlan di afọnnu, Whanpẹnọ di osùn, Hé disán di owhè, Osinọ di awhàn de po asia lẹ po?

¹¹ Yen jẹte yì opá atin ìe tọn mẹ, Nado pọ́n sinsẹ́n agbadòmẹ tọn le, Podọ nado pọ́n eyín vẹ̃ntin ko kọama, Podọ eyín atin glanadi tọn ko gbakẹ̀n.

¹² Kavi whẹpo yẹn na yọnẹn, ayiha ṣie basi mi di Kẹkẹ Amminadibi tọn.

¹³ Légò, lẹ́gọ̀, hiẹ Shunamite-nu; Légọ, lógó, na mí nido mọ we pọ́n. Ete wẹ mì na mọ to Shunamite-nu, go? E taidi ogbó awhànpa awe tọn.