OHÀN SỌLỌMỌNI TỌN 3 - BIBLU WIWE LỌ 1923

¹ TO ozán mẹ to adọzàn ṣie ji, yẹn di ewọ mẹhe ayiha ṣie yiwanna: Yẹn din in, ṣigba yẹn ma mọ ẹn

² Yẹn na fọ́n dinvie, yẹn na zinzọnlin yì oto mẹ, to tohomẹ Podọ to aligbo gbigblo ji wẹ Yẹn na din ewọ; mẹhe ayiha ṣie yiwanna te: Yẹn din in, ṣigba yẹn ma mọ ẹn.

³ Nuhọtọ he to lilẹdootò lẹ mọ; mi: Yẹn kanse dọ, bé mì mọ ewọ mẹhe ayiha ṣie yiwanna?

⁴ Ṣigba le yẹn jó yé do kleun de wẹ Yẹn mọ ewọ mẹhe ayiha ṣie yiwanna: yẹn tẹ do e go, Yẹn ma jo e do, Kaka yẹn do hẹn ẹn wá ohọ̀ onọ ṣie tọn mẹ, Podọ do abò ewọ he mọhò ṣie tọn mẹ.

⁵ Yẹn yí owhín asi po agbanlin asi ozùnmẹ tọn lẹ po do dègbèna mi, Mì viyọnnu Jelusalẹm tọn emì, Dọ mi doadán mẹyiwanna ṣie blo, Mì sọ fọ́n ẹn blo, kaka ewlọsu na do jlo.

⁶ Mẹnu wẹ ehe to tintón sọn zùngbo mẹ di dotin azò tọn he, He yè yí ozuya po nuwhẹnwan po sá do agbasa go na, Po núkli he dèwán akuẹgegenu ajọ́tọ lẹ tọn po.

⁷ Pọ́n adọzàn etọn, he basi Sọlọmọni tọn; Huhlọntọ kandeko wẹ lẹdo e: To huhlọntọ Islaeli tọn lẹ mẹ.

⁸ Yé omẹ pó wẹ hẹn ohi, yé omẹ pó wẹ yọ́n nuyọnẹn awhàn tọn; Dopodopo yetọn pla ohi Na nuha ozánmẹ tọn wutu

⁹ Sọlọmọni ahọlu yí to atin Lebanọni tọn mẹ. Do basi kẹkẹ na ede.

¹⁰ E yí fataka do basi dòtin etọn, E yí sika do basi odò etọn, É yí ogefunwunmẹ do basi tado etọn, Bo yí owanyi do tẹ́ hòmẹ etọn na viyọnnu Jelusalẹm tọn lẹ wutu.

¹¹ Mì tọ́n yì, mì viyọnnu Ziọni tọn lẹ, na mì ni pẹ́n ahọlu Sọlọmọni, Ewọ po ojẹgbakun he onọ etọn ṣinyọn nẹ̃ Po to gbẽgbe é wlealọ to ayajẹzán ayiha etọn tọn gbè.