NẸHEMIA 7 - BIBLU WIWE LỌ 1923

¹ DINVIE é sọ wá jọ, whenuena yè dó adó lọ, bọ yẹn ko sọ zé ohọ́n lẹ dote, bọ yè ko sọ dè họ̀njinọtọ lẹ po hànjitọ lẹ po po Levinu lẹ po,

² wẹ yẹn na asẹ Hanani nọvisunnu ṣie, po Hanania otògán whéhla tọn lọ po, to Jelusalẹm ji: na omẹ nugbonọ de wẹ ewọ, bo sọ nọ dibusi Jiwheyẹwhe hugan mẹsusu.

³ Yẹn sọ dọ hlan yé dọmọ, Mì dike hóngbo Jelusalẹm tọn lẹ yín hùnhùn kaka owhè do vẹ́ blo; podọ whenuena yé ṣite to hihọ́tẹn ji, gbọ yé ni sú ohọ̀n lọ, mì ni sọ yí họ́nglatin do glá yé: bo sọ dè hihọ́tọ lẹ sọn tòmẹnu Jelusalẹm tọn lẹ mẹ, omẹ dopodopo do hihọ́ etọn mẹ, podọ omẹ dopodopo nado tin pànnukọn owhé etọn titi.

⁴ Dinvie tòdaho lọ yín gbigblo bo sọ klo: ṣigba gbẹtọ vúde wẹ tin to e mẹ, yè ma ko sọ dó ohò lẹ gba.

⁵ Jiwheyẹwhe ṣie sọ yí do ayiha ṣie mẹ nado pli mẹgbógbo lẹ dopọ, po ogán lẹ po, po gbẹtọ ewlẹ po, na yè nido hia yé gbọn whóndo dali. Yẹn sọ mọ owé whẹ́ndo yé he hẹji wá tintan lẹ tọn tọn, yẹn sọ mọ yè wlan to e mẹ:

⁶ Eheló wẹ ovi gbeta tọn lẹ, he hẹji tón yì sọn mẹglọnọ he yè ko bó yì nẹlẹ̃ tọn mẹ, mẹhe Nẹbukadnẹzali ahọlu Babilọni tọn ko bó yì lọ, podọ he lẹ́gọ̀ jẹ Jelusalẹm podọ jẹ Juda, omẹ dopodopo jẹ tòdaho etọn mẹ;

⁷ Mẹhe wá po Zelubabẹli po lẹ, Jeṣua, Nẹhemia, Azalia, Laamia, Nahamani, Moldekai, Bilsani, Mispelẹti, Bìgvai, Nẹhumi, Baana. Osọha sunnusi lẹ tọn sọn omẹ Islaeli tọn lẹ mẹ:

⁸ ovi Paloṣi tọn lẹ, fọtọ́n awe po kẹnnẹwiawe po.

⁹ Ovi Ṣẹfatia tọn lẹ, fọdekẹnnẹwiawe.

¹⁰ Ovi Ala tọn lẹ, nuọntọ̀n-kandewiawe.

¹¹ Ovi Pahati-moabi tọn lẹ, sọn ovi Jeṣua po Joabi po tọn lẹ mẹ, fọtọ́n awe po ofẹnẹ-fọtọ̀nnukunatọ̀n po.

¹² Ovi Elami tọn lẹ, fọṣidopo po kandewiẹnẹ po.

¹³ Ovi Zatu tọn lẹ, fẹnẹkàndeatọ́n.

¹⁴ Ovi Zakai tọn lẹ, nuọntọ̀nkẹnnẹ.

¹⁵ Ovi Binnui tọn lẹ, nuọntọ̀nkandeṣinatọ́n.

¹⁶ Ovi Bebai tọn lẹ, nuọntọ̀nkòatọ́n-nukunatọ̀n.

¹⁷ Ovi Azgadi tọn lẹ, fọtọ́n awe po fọdekantọ̀nnukunawe po.

¹⁸ Ovi Adonikami tọn lọ, nuọntọ̀nkandekòatọ́nnukunawe.

¹⁹ Ovi Bigvai tọn lọ, fọtọ́n awe po kandekòatọ́nnukunawe po.

²⁰ Ovi Adini tọn lẹ, nuọntọ̀nkandefọtòk.

²¹ Ovi Ateli tọn lẹ, sọn Hezekia mẹ, kanwefọtọ̀nnukunatọ̀n.

²² Ovi Hasumi tọn lẹ, fọdekantọ̀nsinatòn.

²³ Ovi Bezai tọn lẹ, fọdekantọ̀nnukunẹnẹ.

²⁴ Ovi Halifi tọn lẹ, kantọ̀n.

²⁵ Ovi Gibeọni tọn lẹ, kanwefọtọ̀n.

²⁶ Omẹ Bẹtlehem po Nẹtofa po tọn lẹ, kẹnnẹkoatọ́nnukunatọ̀n.

²⁷ Omẹ Anatọti tọn lẹ, kantọ̀nṣinatọ̀n.

²⁸ Omẹ Bẹti-azmavẹ tọn lẹ, kandenukunawe.

²⁹ Omẹ Kiiiati-jealimì tọn lẹ, Kefila, po Beẹloti po, nuọntọ̀nkantọ̀nkònukunatọ̀n.

³⁰ Omẹ Lama po Geba po tọn lẹ, nuọntọ̀nkonukundopo.

³¹ Omẹ Mikinasi tọn lẹ, kantọ̀nukunawe.

³² Omẹ Bẹtieli po Ai po tọn lẹ, kantọ̀nnukunatọ̀n.

³³ Omẹ Nebo awetọ tọn lẹ, kandewiawe.

³⁴ Ovi Elami awetọ tọn lẹ, fọtọ́n dopo po fọdekandewiẹnẹ po.

³⁵ Ovi Halimi tọn lẹ, fọdekàntọ̀n.

³⁶ Ovi Jẹliko tọn lẹ, fọdekàntọ̀nkòatọ́n.

³⁷ Ovi Lodi, Hadidi, o Ono po tọn lẹ, nuọntọ̀nkàntọ̀nnukundopo.

³⁸ Ovi Senaa tọn lẹ, fọtọ́n atọ̀n po fẹnẹkàntọ̀nao po.

³⁹ Yẹwhenọ lẹ: ovi Jedaia tọn lẹ, sọn owhé Jeṣua tọn gbè, fẹnẹkẹnnẹwiatòn.

⁴⁰ Ovi Immeli tọn lẹ, fọtọ̀n dopo po kandewiawe po.

⁴¹ Ovi Pasihuli tọn lẹ, fọtọ́n dopo po fọdekàndesinawe po.

⁴² Ovi Halimi tọn lẹ, fọtọ́n dopo po fọtọ́nnukunawe po.

⁴³ Levinu lẹ: ovi Jeṣua, Kadiniẹli tọn tọn lẹ, sọn ovi Hodeva tọn lẹ mẹ, kandegbànnukunẹnẹ.

⁴⁴ Hànjitọ lẹ: ovi Asafi tọn lẹ, kantọ̀nkòatọ̀nnukunatọ̀n.

⁴⁵ Hònjinọtọ lẹ: ovi Ṣalumi tọn lẹ, ovi Ateli tọn lẹ, ovi Talmọni tọn lẹ, ovi Akubi tọn lẹ, ovi Hatita tọn lẹ, ovi Ẹobai tọn lẹ, kantọ̀nfọtọ̀nnukunatọ̀n.

⁴⁶ Nẹtinimi lẹ: óvi Ziha tọn lẹ, ovi Hasufa tọn lẹ, ovi Tabaoti tọn lẹ;

⁴⁷ ovi Kẹlosi tọn lẹ, ovi Sia tọn lẹ, ovì Padọni tọn lẹ;

⁴⁸ ovi Lẹbana tọn lẹ, ovi Hagaba tọn lẹ, ovi Salmai tọn lẹ;

⁴⁹ ovi Hanani tọn lẹ, ovi Gidẹli tọn lẹ, ovi Gahali tọn lẹ;

⁵⁰ ovi Leaia tọn lẹ, ovi Lẹzimi tọn lẹ, ovi Nekoda tọn lẹ;

⁵¹ ovi Gazami tọn lẹ, ovi Uza tọn lẹ, ovi Pasea tọn lẹ;

⁵² ovi Besai tọn lẹ, ovi Meunimi tọn lẹ, ovi Nẹfuṣẹsimi tọn lẹ;

⁵³ ovi Bakbuki tọn lẹ, ovi Hatifa tọn lẹ;

⁵⁴ ovi Bazliti tọn lẹ, ovi Mẹhida tọn lẹ, ovi Halsa tọn lẹ;

⁵⁵ ovi Balkosi tọn lẹ, ovi Sisela tọn lẹ, ovi Tema tọn lẹ;

⁵⁶ ovi Nẹzia tọn lẹ, ovi Hatifa tọn lẹ;

⁵⁷ ovi mẹmẹsi Sọlọmọni tọn lẹ tọn lẹ: ovi Sotai tọn lẹ, ovi Sofelẹti tọn lẹ, ovi Pelida tọn lẹ;

⁵⁸ ovi Jaala tọn lẹ, ovi Dalkoni tọn lẹ, ovi Gidẹli tọn lẹ;

⁵⁹ ovi Sẹfatia tọn lẹ, ovi Hatili tọn lọ, ovi Pọkeleti-hazibaimi tọn lẹ, ovi Amọni tọn lẹ.

⁶⁰ Netinimi lẹpo, po ovi mẹmẹsi Sọlọmọni tọn lẹ tọa lẹ po, yín fọdekẹnnẹgbànnukunawe.

⁶¹ Ehelẹ̃ wẹ yé he hẹji yì sọn Telimẹla, Teli-halṣa, Kẹlubi, Addoni, po Immẹli po mẹ: aigba yé ma sọgan do owhé otọ yetọn lẹ tọn lẹ hia gba, kavi okún yetọn lẹ, eyin yé yín sọn Islaeli tọn mẹ:

⁶² ovi Delaia tọn lẹ, ovi Tobia tọn lẹ, ovi Nekoda tọn lẹ, nuọntọ̀nkandenukunawe.

⁶³ Podọ sọn yẹwhenọ lẹ mẹ: ovi Hobaia tọn lẹ, ovi Hakọzi tọn lẹ, ovi Balzilai tọn lẹ he dà asi de sọn viyọnnu Balzilai Gileadinu lọ tọn lẹ mẹ, bọ yè nọ ylọ kẹdẹdi oyín yetọn.

⁶⁴ Ehelẹ̃ din otòwé yetọn to enẹlẹ ṣẹnṣẹn he yè hia gbọn whẹndo dali, ṣigba yè ma mọ ẹn gba: enẹwutu wẹ yè hẹn yé sọawuhia oflunọ bo sọ dè sọn yẹwhenọdùta lọ mẹ

⁶⁵ Tẹlsata sọ dọ hlan yé, dọ yé ma na do dù sọn onú wiwe gbahugbahu lẹ mẹ, kaka yẹwhenọ de do tite to finẹ gẹ́na Ulimi po Tumimi po.

⁶⁶ Agùn lọ pete dopọ yín fọtọ́n kandenukunawe po fọdekẹnnẹ po.

⁶⁷ Dogẹ́na mẹmẹsisunnu yetọn lẹ po mẹmẹsiyọnnu yetọn lẹ po, sọn mẹhe mẹ finẹ yín fọtọ́n ṣinawe po fọdekanwegbãntọ́nnukunawe po: yé sọ tindo hànjitọ sunnu po hànjitọ yọnnu po fọdekandeatọ́n.

⁶⁸ Osẹ́ yetọn lẹ yín nuọntọ̀n-kantọ̀nfọtọ̀nnukundopo; otlo yetọn lẹ, fọdekandeatọ́n;

⁶⁹ kanklosọpóawenọ yetọn lẹ, fowegbãntọ́n; kẹtẹkẹtẹ yetọn lẹ, fọtọ́n ṣinawe po nuọntọ̀nkàntọ̀n po.

⁷⁰ Podọ mẹdẽlẹ sọn nukọntọ owhé otọ́ lẹ tọn lẹ ṣẹnṣẹn na hlan azẹ́n lọ. Tilsata na hlan núbẹ́sẹ̀do lọ daliki sika tọn fọtọ́n, ṣiklẹ kandeao, awu yẹwhenọ lẹ tọn lẹ fowekantọ̀nao.

⁷¹ Podọ mẹdẽlẹ sọn nukontọ owhé otọ́ lẹ tọn lẹ mẹ na do núbẹ́sẹ̀do azọ́n lọ tọn mẹ daliki sika tọn fọtọ́n òko, po panùn fataka tọn po fọtọ́n awe po fọde po.

⁷² Podọ enẹ he pipòtọ gbẹtọ lẹ tọn na yín daliki sika tọn fọtọ́n òko, po panùn fataka tọn fọtọ́n awe po, po awu yẹwhenọ lẹ tọn lẹ po kandekòatọ́nnukunawe.

⁷³ Mowẹ yẹwhenọ lẹ, po Levinu lẹ po, po hònjinọtọ lẹ po, po hànjitọ lẹ po, podọ mẹdẽlẹ sọn gbẹtọ lẹ mẹ, po Nẹtinimi lẹ po, po Islaeli lẹpo po, sọ nọ̀ tòdaho yetọn lẹ mẹ. Whenuena yè hẹn osùn ṣinawetọ lọ wá, ovi Islaeli tọn lẹ tin to tòdaho yetọn lẹ mẹ.